Małdova znachodzicca na miažy ekanamičnaha kryzisu. Straty ad zasuchi, jakaja ŭstalavałasia ŭ krainie, pierakročvajuć čaćviortuju častku vałavaha ŭnutranaha praduktu respubliki.
Pavodle aficyjnych padlikaŭ, straty vyklikanyja śpiakotnym nadvorjem skłali bolš za miljard dalaraŭ. Adnak heta jašče nie kančatkovaja ličba. Na zhadanyja straty nakładajecca rasiejskaje embarha na małdaŭskaje vino. Mienavita sielskaja haspadarka j ekspart vina źjaŭlajucca hałoŭnymi sektarami ekanomiki Małdovy.
Specyjalisty ličać, što kryzys, jaki pahražaje Małdovie moža być značna horšy, čym tak zvany Vialiki Hoład 1946 h. Tady pryčynaju kryzisu była padobnaja zasucha j kalektyvizacyja.
Małdaŭskija pali nahadvajuć zaraz pustyni, a vinahradniki, jakija zvyčajna ŭ takuju paru hoda zialonyja, žoŭtyja j suchija, niby poźniaj vosieńniu.
Ułady ŭ Kišyniovie źviarnulisia da mižnarodnaj supolnaści za charčovaj dapamohaj.
