U Biełarusi vyznačany novy miechanizm naznačeńnia imiannych stypiendyj spartsmienam. Adpaviedny ŭkaz numar 190 «Ab mierach pa stymulavańniu dasiahnieńnia vysokich spartyŭnych vynikaŭ» padpisaŭ 15 krasavika Alaksandr Łukašenka.
Ukazam ustanaŭlivajecca dakładny miechanizm naznačeńnia imiannych stypiendyj i kantrolu za dynamikaj vynikaŭ spartsmiena jak padstavy dla pradaŭžeńnia vypłaty imiannoj stypiendyi. Naznačeńnie i pierahlad imiannych stypiendyj budzie ažyćciaŭlacca mižviedamasnaj kamisijaj, jakaja stvarajecca Ministerstvam sportu i turyzmu, i štohod pierahladacca pa vynikach vykanańnia indyvidualnaha płana padrychtoŭki i dasiahnieńnia zapłanavanych vynikaŭ.
Bolš detalova heta koła pytańniaŭ rehulujecca zaćvierdžanymi ŭkazam Pałažeńniem ab paradku naznačeńnia i vypłaty imiannych stypiendyj Prezidenta Respubliki Biełaruś u śfiery fizičnaj kultury i sportu i Pałažeńniem ab paradku vydačy pryzoŭ u hrašovaj abo naturalnaj formie spartsmienam i vypłaty ŭznaharodžańniaŭ trenieram.
