Prajektny košt — $39 miljonaŭ, paviedamlaje «Sovietskaja Biełoruśsija»
Piataja vytvorčaja placoŭka (čatyry pracujuć u Breście, Stolinie, Pinsku i Kamiancy) taksama aryjentavana na ekspart i budzie śpiecyjalizavacca na vytvorčaści naturalnamałočnaj pradukcyi.
Hienieralny dyrektar kampanii Alaksandr Saŭčyc kaža pra nieabchodnaść naroščvać abjomy vytvorčaści: «Z 1 lipienia minułaha hoda “Savuškaŭ pradukt” atrymaŭ prava pastaŭlać małočnuju pradukcyju ŭ krainy Jeŭrasajuza. Uličvajučy jomistaść suśvietnaha rynku, vysokuju efiektyŭnaść ekspartnych pastavak, nieabchodna naraścić abjomy vytvorčaści mienavita naturalnamałočnaj pradukcyi. A asnoŭnyja linii ŭ Breście całkam. Dadatkovaje abstalavańnie ŭstalavać nie možam — abmiežavanyja ŭ płoščach. Tamu i vyrašyli: treba budavać. Syravinnaja baza zastajecca raniejšaj — 91 haspadarka. Budziem pavyšać nadoi.
Siońnia kampanija «Savuškin pradukt» u sutki pierapracoŭvaje bolš za 1.000 ton małaka. Pinsk, Kamianiec i Stolin vydajuć da 80 ton ćviordych syroŭ kožnyja sutki. Kampanija zavajavała rynak 75 rehijonaŭ Rasii, pastaŭlaje pradukcyju ŭ Azierbajdžan, Ukrainu, Uźbiekistan, Kazachstan, AAE i Iardaniju.