Siarhiej Pamazun, jaki zabiŭ šaściarych čałaviek u Biełharadzie (Rasija) 22 krasavika, chavaŭsia ad supracoŭnikaŭ pravaachoŭnych orhanaŭ u bałocie.
Złačynca chavaŭsia ŭ bałocie la čyhunki. Zatrymali jaho pozna ŭviečary 23 krasavika, kali vyjšaŭ da stancyi. Čaćviora kurskich palicejskich, nakiravanych u Biełharadskuju vobłaść na dapamohu miascovym kaleham, padyšli da jaho pravieryć dakumienty. U adkaz Pamazun nanios adnamu z palicejskich čatyry nažavyja ranieńni. Paśla hetaha jaho abiasškodzili.
Ciapier Pamazunu pradjaŭlenyja abvinavačvańni ŭ zabojstvie dvuch i bolš asob, prymianieńni hvałtu da pradstaŭnika ŭłady, a taksama ŭ kradziažy zbroi.
Ad pakazańniaŭ Pamazun admoviŭsia. Jon spasłaŭsia na 51-y artykuł Kanstytucyi, jakaja dazvalaje nie śviedčyć suprać siabie. Zapłanavana praviadzieńnie psichołaha-psichijatryčnaj ekśpiertyzy. Adrazu paśla zatrymańnia Pamazun zajaviŭ: «Ja ŭ dziaciej nie stralaŭ. Ja ŭ piekła stralaŭ».
Udzielnikaŭ zatrymańnia złačyncy ŭznaharodziać. Žyćciu paranienaha palicejskaha ničoha nie pahražaje, paviedamlaje lenta.ru.
***
U paniadziełak, 22 krasavika, 31-hadovy Siarhiej Pamazun zastreliŭ šeść čałaviek u Biełharadzie. Jon skraŭ u svajho baćki ahniastrelnuju zbroju i aŭtamabil BMW X5.
Paśla hetaha jon pryjechaŭ u kramu «Palavańnie», dzie zabiŭ dvaich pradaŭcoŭ i adnaho naviednika. Jon taksama zabraŭ z kramy zbroju, paśla čaho vyjšaŭ na vulicu i zastreliŭ jašče traich čałaviek, siarod jakich byli dźvie školnicy 14 i 16 hadoŭ.
-
U Bierlinie dziasiatki tysiač žycharoŭ zastalisia bieź śviatła praz dyviersiju
-
Zialenski, Makron i Starmier padpisali dekłaracyju ab razhortvańni va Ukrainie zamiežnaha kantynhientu
-
Va Ukrainu nie puścili italjanca ŭ vyšyvancy, jaki darohaj nachvalvaŭ Pucina. Praz Threads za im sačyli dziasiatki tysiač čałaviek
Kamientary