Były vakalist hurtu Oasis Liam Hałachier prakaciŭsia na sabaku ŭ łondanskim pabie.
Pa słovach vidavočcaŭ, Hałachier u kampanii siabroŭ vypiŭ šmat viski i šampanskaha, paśla čaho pasprabavaŭ prakacicca na sabaku svajho znajomaha.
Sabaka zrabiŭ niekalki krokaŭ sa śpievakom na śpinie, paśla čaho toj pakinuŭ sproby katańnia na žyviolinie.
Śviedki nie paviedamili parodu i samaadčuvańnie sabaki paśla padziei.
Taksama kiraŭnictva paba raskazała, što Hałachier pakinuŭ ustanovu, zabyŭšysia apłacić rachunak. Aficyjantka spałochałasia, što zhubiła hrošy, i paprasiła mieniedžara paba dahnać Hałachiera i ŭdakładnić, ci płaciŭ śpiavak za vypiŭku.
Na vulicy Hałachier vybačyŭsia pierad supracoŭnikam ustanovy i zapłaciŭ 300 funtaŭ sterlinhaŭ za rachunak.
Raniej paviedamlałasia, što Hałachiera niekalki razoŭ vyhaniali z paba The Queens ŭ paŭnočnaj častcy Łondana.
Liam viadomy svaimi skandalnymi ŭčynkami, u tym liku tym, jakija jon ździajśniaje pad uździejańniem ałkaholu.Naprykład, u 2006 h. jon pabiŭsia z futbalistam Połam Haskojnam u pryvatnym kłubie ŭ centry Łondana.
Bojka skončyłasia tym, što Hałachier uziaŭ vohnietušyciel i nakiravaŭ struju ź jaho ŭ tvar futbalistu.
0
0
0
0
0
0