 Hara Babuhan-Jajły |
Jak paviedamiŭ BiełaPAN supracoŭnik centra hramadskich suviaziej hałoŭnaha ŭpraŭleńnia MNS Ukrainy pa Krymie, «16 žniŭnia byŭ apošni dzień aktyŭnych pošukaŭ. Dalej nastupaje pasiŭnaja faza. Ratavalnaja apieracyja adnovicca, kali chtości paviedamić ab tym, što bačyŭ źnikłaha».
Razam z tym milicyja praciahvaje vieści vyšukovyja mierapryjemstvy, zajavili ŭ centry hramadskich suviaziej upraŭleńnia MUS pa Krymie. «Kali budzie atrymana infarmacyja, što ŭ dačynieńni da źnikłaha było ŭčyniena niejkaje kryminalnaje dziejańnie, my pierakvalifikujem vyšukovuju spravu ŭ kryminalnuju. Kali ž nie — nie budziem spyniać pošuki na praciahu, prynamsi, dvuch miesiacaŭ», — skazaŭ pradstaŭnik centra hramadskich suviaziej. Ciapier učastkovyja milicyjaniery, jakija absłuhoŭvajuć terytoryju hornych viosak u rajonie Hurzufa, praciahnuć apytańnie miascovych žycharoŭ.
Nahadajem, što 25‑hadovy turyst ź Minska Arsienij Voŭk samastojna adpraviŭsia ŭ hory 6 žniŭnia i źnik na paŭdniovych schiłach hary Babuhan‑Jajły, raźmieščanaj pablizu pasiołka Hurzuf. Uvieś hety čas jaho pošukami zajmalisia ratavalniki MNS.
Vyšukovaja sprava była zaviedziena paśla taho, jak 7 žniŭnia dziaŭčyna A.Voŭka padała ŭ milicyju zajavu ab jaho źniknieńni. Paźniej u milicyju pastupiła infarmacyja ab tym, što biełarusa nibyta bačyli ŭ kaviarni adnaho z hornych pasiołkaŭ kala Hurzufa, adnak paćvierdzić hetyja źviestki nie ŭdałosia.
