Niezaležnyja žurnalisty raspaviali pres-słužbie HA «BAŽ», što padali kasacyjnyja skarhi ŭ Minski haradski sud na rašeńnie pra svoj aryšt.
U skarhach Hienadź Barbaryč i Alaksandr Jaraševič źviartajuć uvahu na šmatlikija razychodžańni ŭ pakazańniach śviedak ź liku supracoŭnikaŭ milicyi, a taksama na toje, što śviedki z boku abarony naohuł nie byli vysłuchanyja ŭ sudzie.
Aproč hetaha, u materyjałach spravy suprać Hienadzia Barbaryča prysutničali ksierakopii rapartaŭ supracoŭnikaŭ milicyi sa spravy Jaraševiča, nie zavieranyja ŭ naležnym paradku. Tamu, na dumku žurnalista, jany nie mohuć źjaŭlacca dokazami jahonaj viny.
Nahadajem, što niezaležnyja žurnalisty byli zatrymanyja ŭ Minsku 26 krasavika paśla dazvolenaha ŭładami Čarnobylskaha šlachu, jaki aśviatlali. Suprać žurnalistaŭ byli składzienyja administracyjnyja pratakoły, a sud Savieckaha rajona pryznaŭ ich vinavatymi ŭ niepadparadkavańni supracoŭnikam milicyi i pakaraŭ tryma sutkami aryštu kožnaha.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant26
Kamientary