7 maja pravasłaŭnaj hramadoj śviatkujecca vialikaja ŭračystaść — śviata cudatvornaha abraza Žyrovickaj Božaj Maci.
3jaŭleńnie hetaha abraza na žyrovickaj ziamli papiaredziŭ cud. U 1470 h. pastuški, jakija paśvili ŭ lesie žyviełu ŭbačyli adnojčy na dzikaj hrušcy niejki pradmiet, ad jakoha va usie baki razychodzilisia jasnyja pramiani. Hata byŭ maleńki abrazok Maci Božaj, jaki źziaŭ niezvyčajnym blaskam. Chłopčyki zabrali jaho i zaniesli da svajho pana - litoŭskaha padskarbija Alaksandra Sołtana, jaki zahadaŭ pabudavać na tym miescy draŭlanuju śviatyniu.
Słava cudoŭnaha abraza pačała pryciahvać da Žyrovičaŭ vialikuju kolkaść nabožnaha ludu.
Praź niekalki dziesiatkaŭ hadoŭ maleńkaja draŭlanaja kaplička raptam zhareła - na vačach uražanych žycharoŭ nad ałtarom abvaliłasia stol i abraz źnik u ahni. Paźniej, kala paharelišča dzieci zaŭvažyli Dzievu niezvyčajnaj pryhažości, akružanuju jasnymi pramianiami. Kali na hataje miesca pryjšli śviatary, jany znajšli na kamieni niekranuty cudoŭny abraz, pierad jakim hareła śviečka.
Zaznačym, što na biełaruskaj emihracyi vielmi šaukiecca ikona Žyrovickaj Božaj maci, i biełaruskija pravasłaŭnyja prychody da takoj nazvaj jość u Hajlend-Parku (Ńju-Džersi, ZŠA), Kliŭlendzie (Ahajo, ZŠA), Mančestery (Vialikabrytanija), Piercie (Aŭstralija).
