Ab hetym, jak paviedamlaje dziaržaŭnaje ahienctva BiełTA, jon zajaviŭ, sustrakajučysia 7 maja z moładździu na cyrymonii pačatku budaŭnictva žyłoha kompleksu «Mahistr» dla navukovaj i tvorčaj intelihiencyi.
U Łukašenki spytali, jak jon stavicca da praktyki, isnujučaj u šerahu krain, kali navukovyja zvańni prysudžajuć univiersitety, a nie Vyšejšaja atestacyjnaja kamisija, jak u Biełarusi.
Łukašenka vykazaŭsia za zachavańnie ciapierašniaj praktyki, rastłumačyŭšy heta imknieńniem zaścierahčy navukovaje asiarodździe ad mahčymych vypadkovych ludziej, jakija za peŭnuju sumu mahli b kupić sabie navukovaje zvańnie.«Hetaja zaraza pajšła i da nas, i tady ja pastaviŭ žorstkuju zasłonu, pavažajučy pracu navukovych ludziej. I ja ab hetym nie škaduju. Tudy [u VAK] my pryznačajem najsumleńniejšych ludziej», — zajaviŭ Łukašenka.
Jon taksama padkreśliŭ: «Ja zanadta pavažaju vučonych, kab dazvolić roznym šarłatanam za niekalki tysiač dołaraŭ kupić dysiertacyju i stać pobač z talenavitym vučonym».
Kiraŭnik dziaržavy adznačyŭ, što praktyčna ŭvioŭ zabaronu na abaronu dysiertacyj čynoŭnikami. «Tamu što viedaju, što, kali ty dziaržaŭny słužačy i pracuješ na ŭsiu katušku, ty nikoli nie abaroniš navat kandydackuju dysiertacyju.Heta vielmi ciažka. Jość takija ludzi, ale heta adzinki», — skazaŭ Łukašenka.
0
0
0
0
0
0
