Prynamsi try čałavieki zahinuli i niekalki ličacca źnikłymi bieź viestak u vyniku sutyknieńnia sudna z dyśpietčarskaj vyškaj u porcie italjanskaha horada Hienuja. Častka viežy abrynułasia ŭ vadu.
Pa dadzienych infarmahienctva Ansa, u momant avaryi ŭ joj znachodziłasia kala 10 čałaviek. U porcie paćvierdzili, što ŭ hety čas adny dyśpietčary zdavali źmienu inšym, i ŭ viežy sapraŭdy było bolš narodu, čym zvyčajna.
Supracoŭniki porta miarkujuć, što mnohija mahli być paranienyja abłomkami zbudavańniaŭ i apynucca ŭ vadzie.
Paviedamlajecca, što siarod zahinułych dvoje mužčyn i tryccacihadovaja žančyna.
Incydent adbyŭsia, kali kantejnieravoz Jolly Nero, jaki ruchaŭsia ŭ Miesinu, vychodziŭ z porta Hienui. Pryčyny avaryi pakul niajasnyja.
Kantejnieravoz Jolly Nero maje amal 240 mietraŭ u daŭžyniu i vodaźmiaščeńnie zvyš 40 tysiač ton.
0
0
0
0
0
0
