Ci patrebny seks moładzi? Pałova maładych ludziej va ŭzroście ad 16 da 34 hadoŭ ź vialikim zadavalnieńniem pravierać elektronnuju poštu, ležačy ŭ łožku, čym zojmucca kachańniem. Da takoj dziŭnamu vysnovy pryjšli brytanskija sacyjołahi.
Ličycca, što ŭ maładości seksualnyja patreby čałavieka ŭ šmat razoŭ vyšej, čym u stałyja hady.
Ale praviedzienaje ŭ Vialikabrytanii apytańnie pakazała, što amal pałovie maładych ludziej va ŭzroście ad 16 da 34 seks nie patrebny: ležačy pobač z partniorami ŭ łožku pierad snom, jany praviarajuć pracoŭnuju poštu praz noŭtbuki, płanšety abo mabilnyja telefony, zamiest taho kab całavacca abo zajmacca kachańniem.A 10% robiać heta kožny viečar.
Pryčym siarod samych maładych (ad 16 da 24), u jakich praca nie pavinna byccam by vyklikać takoha mocnaha napružańnia, zaležnych ad internetu kudy bolš — 87% rehularna vychodziać u suśvietnuju pavucinu z-pad koŭdry. Takim čynam, značnaja kolkaść maładych ludziej zusim nie ličyć čas pierad snom prydatnym dla pryjemnaha pasłableńnia — heta samy «haračy» čas dla znosin virtualnych.
68% ludziej va ŭzroście ad 25 da 34 naohuł nikoli nie adklučajuć mabilnyja telefony, navat na čas intymnaj blizkaści, kab zaŭsiody zastavacca na suviazi. Daśledavańnie jarka ilustruje, jak u sučasnym hramadstvie ścirajecca miaža pamiž asabistym žyćciom i pracaj.Na dumku ekśpiertaŭ, u najbližejšaj budučyni kolkaść «addalenych» rabotnikaŭ, jakija majuć bolš hnutki hrafik, budzie tolki ŭzrastać. I dla mnohich ludziej dom kančatkova pieratvorycca ŭ ofis, tak što pravodzić padzieł pamiž siamjoj i karjeraj im budzie jašče ciažej.
0
0
0
0
0
0
