Pacałunak ad Finlandyi
Takim čynam u finale z Alonaj Łanskoj, Emili de Forest i astatnimi sustrenucca: Vienhryja, Azierbajdžan, Hruzija, Rumynija, Narviehija, Isłandyja, Armienija, Finlandyja, Malta i Hrecyja. Usie cikavyja numary ŭ finał trapili, na finski pierformans my jašče raz pahladzim, jašče raz pasłuchajem Ajomi. A voś za što žury tak palubiła rumynskaha śpievaka — dla aŭtara strašny sakret.
U Malmio pačynajecca druhi paŭfinał Jeŭrabačańnia — tut niama ni Łanskoj, ni Ukrainy, ni nu chacia b Rasii. Adnak my z vami, jak i dzień tamu, pahladzim i abmiarkujem pabačanaje razam. Tym bolš u našaj siońniašniaj prahramie: jość hitaryst Black Sabbath, pretendenty na Nobieleŭskuju premiju, leśbijskija pierformansy i navat chipstary.
Łatvija.
PeR — Here We Go
Łatyšy śmiajucca, što na fonie litoŭcaŭ jany sioleta vyhladajuć vydatna. Daŭno nie było na scenie Jeŭropy niekaha z kłavišami-«hrebniem». Kali b savieckaja ŭłada nie skončyłasia na pačatku
Valancina Maneta — Crisalide/Vola
Śpiavačka ŭžo vystupała na Jeŭrabačańni ŭ 2012 hodzie — tady jana śpiavała pieśniu pra Fejsbuk, jakuju zabrakavali arhanizatary, bo rekłama (zrazumieła, što biez tvorčaści Valanciny Manety, chto b pra toj Fejsbuk viedaŭ), tady pieśniu pierapisali pad biaskryŭdnyja «sacyjalnyja sietki». Sioleta Maneta pryjechałaŭ Malmio ź italjanskaj estradnaj pieśniaj. Ci varta tut razvažać pra jaje šancy?
Makiedonija
Vłatko Łazanoski, Esma Redžepava — Pred da se razdeni
Spadarynia Redžepava dvojčy naminavałasia na Nobieleŭskuju premiju miru, zapisałasia dla saŭndtreka filma «Borat» i, kali vieryć kamientataram, maje 47 pryjomnych dziaciej. Svaju častku pieśni Esma śpiavaje
Azierbajdžan
Faryd Mamiedaŭ — Hold me
Na jakoj movie śpiavaje Mamiedaŭ, vidavočna stała nie adrazu, tym nie mienš jahony numar vytrymany ŭ kłasičnaj maniery «Jeŭrabačańnia» — siaredniaha tempu bałada, adroźnić jakuju ad dziasiatkaŭ takich samych nie ŭjaŭlajecca mahčymym. Pad Mamiedavym u admysłovaj pryźmie staić na hałavie niejki chłopiec — heta niešta dy simvalizuje. Pakul što druhi paŭfinał vyhladaje vielmi panyła, a niekatoryja skardzilisia na pieršy.
Finlandyja
Krysta Zihfryds — Marry Me
Krysta abiacała na vystupie zładzić leśbijski pierformans. Zaraz ubačym, ci heta praŭda. Nie padmanuła — u kancy pieśni pacałavała
Malta
Džanłuka Biezina — Tomorrow
Pradstaŭnik Malty — dobry prykład taho, jak čałavieku chočacca być amierykanskim śpievakom, ale voś niečaha troški nie chapaje. Pieśnia miłaja i pryjemnaja. U amataraŭ sučasnaj i nie vielmi kalifarniskaj
Bałharyja
Jelica Tadorava i Stojan Jankułaŭ — Samo šampijoni
Hety duet užo pradstaŭlaje Bałharyju na Jeŭrabačańni (śpiecyjalna dla delehacyi
Isłandyja
Ejtoŭr Inhi Hiunlojhsan — Eg a lif
Minimalizm by hetaj pieśni pasavaŭ bolej. Kali b prybrać arkiestroŭku, to była b simpatyčnaja bałada. Miarkujučy pa partyi strunnych, aŭtary vielmi lubiać bitłoŭskuju Eleanor Rigby, ale nie ŭsio toje «Eleanora Ryhbi», što z arkiestram.
Hrecyja
Koza Mostra i Ahafonas Iakovadzis — Alcohol is Free
Hreki pryjechali ŭ Malmio z razuchabistym bałkanskim ska pra biaspłatny ałkahol. Pakolki bałkanskaja muzyka dla našaha rehijona maje vialikaje značeńnie, hałasavać u druhim paŭfinale za ich u nas buduć aktyŭna. Paśla Finlandyi samaje cikavaje, što hučała siońnia — prynamsi, viesieła.
Izrail
Maran Mazor — Rak bishvilo
Kali spatrebicca acharaktaryzavać bolšaść pieśniaŭ Jeŭrabačańnia
Armienija
Dorians — Lonely Planet
A armianam pieśniu napisaŭ hitaryst Black Sabbath Toni Ajomi, to bok čałaviek, jaki viedaje, jak stvaryć kłasnuju pieśniu. Nie da kanca zrazumieła, navošta ź joj jechać na Jeŭrabačańnie. U narodzie heta nazyvajecca ćviki mikraskopam zabivać. Kažuć, u Ajomi rak. Pažadajem jamu zdaroŭja.
Vienhryja
ByeAlex — Kedvesem
Vienhryju sioleta pradstaŭlajuć chipstary: pieśnia vydatnaja, i na Jeŭrabačańni nie kožny raz ubačyš na scenie čałavieka z hitaraj, jaki pry hetym nie katajecca na kańkach, nie skača praz połymia i nie robić inšaha šou. Uvohule, pad kaniec Jeŭrabačańnie vyrašyła vypraŭlacca, biez uliku Maran Mazor apošnija vykanaŭcy vyhladajuć simpatyčna.
Narviehija
Marharet Bierhier — I Feed You my Love
Siońnia bukmiekiery pierastavili Marharet Bierhier z treciaha miesca na druhoje i dla niečaha nazvali jaje słovam «indastryjał». Nu, ščyra skažam, kali pa mierkam Jeŭrabačańnia, to nasamreč «indastryjał», a tak — prynamsi, cikaviej, čym u biassprečnaj favarytki z Danii.
Ałbanija
Bledar Siejko i Adryjan Lulhiuraj — Identitet
Niešta z nazvaj «Identyčnaść», muzyki hryzuć hitarnyja struny. U muzycy Siejko z 1989 hoda — na Jeŭrabačańni tak na hitary nie hrajuć: Siejko imkniecca «palivać» notami jak z palivački, adnak na kankretna hetym konkursie heta nie ceniać.
Hruzija
Sofa Hiełavani i Nadzikp Tacišvili — Waterfall
U Hruzii vielmi bahataja muzyčnaja kultura. Sioleta na hety aśpiekt było vyrašana zapluščyć vočy, inakš źjaŭleńnie ŭ Malmio hetaj pieśni vytłumačyć niemahčyma.
Šviejcaryja
Takasa — You & Me
Miž inšym basistu hurtu 94 hady, a vakalistcy 20. Hurt naležyć da chryścijanskaj arhanizacyi «Armija Ratavańnia», adnak nazvu daviałosia źmianić — nijakich relihijnych aśpiektaŭ Jeŭrabačańnie nie tryvaje. Samaje značnaje tut — viek basista. Heta samy stary ŭdzielnik Jeŭrabačańnia za ŭsiu jahonuju historyju. Pieśnia standartnaja.
Rumynija
Čezar — It's My Life
Nu, pieśnia z takoj nazvaj isnuje i navat niekatorym viadomaja. Samaje niepryjemnaje ŭ vystupie zahadkavaha Čezara — tyja momanty, kali jon pierachodzić na falcet. Kali b siarod hledačoŭ pravodziłasia
Ciapier u nas jość čas kab pryjści ŭ śviadomaść paśla rumynskaha numara i dačakać vynikaŭ: chto trapić u finał i sustreniecca tam z Alonaj Łanskoj?