Hanna Soŭś: Vital, jak muzyčny los pryvioŭ vas u Amsterdam?
Vital Stachijevič: Jašče padčas majoj vučoby ŭ Miensku ja vyjaždžaŭ niekalki razoŭ na konkursy, na kancerty, u tym liku ŭ Halandyju i zaŭsiody chaciełasia pavučycca za miažoj, nabracca novaha dośviedu i ŭražańniaŭ. Jak nia dziŭna, Amsterdam heta adnačasova i vypadkovy, i śviadomy vybar.
Soŭś: Vy vučań biełaruskaj pijanistki Zoi Kačarskaj i narveskaha pijanista Chokana Aŭstbio. Čym roźniacca hetyja škoły? Ci možna ŭvohule kazać pra roźnicu muzyčnaj škoły na postsavieckaj prastory i eŭrapiejskaj?
Stachijevič: Zoja Vienieaminaŭna Kačarskaja – heta maja muzyčnaja maci, jakaja vyraściła mianie. Kali ja jašče byŭ chłopčykam, jana pastaviła mnie škołu. Heta niemahčyma pieradać słovami, nakolki hłybokija našyja muzyčnyja stasunki. Chokan Aŭstbio – heta prafesar, ź jakim ja paznajomiŭsia, kali navučaŭsia ŭ mahistratury ŭžo davoli darosłym čałaviekam, kali sprabavaŭ stać na ŭłasnyja nohi, šukać niečaha svajho. Mnie zdajecca, što na Zachadzie savieckaja fartepijannaja škoła karystajecca vializnaj pašanaj, moža navat pierabolšanaj. U toj ža čas z našaha boku zachodniaja fartepijannaja škoła trochi niedaaceńvajecca, pabłažlivaje staŭleńnie, na moj pohlad, prasočvajecca kali-nikali, i davoli niedarečna.
Soŭś: Nakolki zapatrabavanaja klasyčnaja muzyka ŭ Amsterdamie? Ci možna pražyć z kancertnaj dziejnaści ŭ Halandyi? A ŭ Biełarusi?
Stachijevič: Amsterdam adna z suśvietnych stalic muzyki, dastatkova zhadać Kancerthiebaŭ, jaki staić u adnym šerahu ź Ńju-Jorkam, Paryžam, Vienaj ci Maskvoj. Tam vystupaje adzin z najlepšych symfaničnych arkiestraŭ u śviecie. I ŭ toj ža čas, nia tolki ŭ Amsterdamie, ale i ŭ Halandyi, jak u krainie vielmi šmat kancertnych placovak. Heta vializnyja i małyja kancertnyja zali, cerkvy, vielmi šmat kancertaŭ adbyvajecca ŭ ludziej doma. Na chatnich kancertach vielmi šmat dobrych instrumentaŭ i vielmi šmat damoŭ, dzie ludzi ładziać kancerty prosta dla znajomych, haściej. Heta toje, što vielmi vyrazna adroźnivaje Halandyju ad nas. U Halandyi pražyć z kancertaŭ davoli ciažka, ale možna, a ŭ Biełarusi praktyčna niemahčyma.
