Vykładčyca BDUIR raskryła sieryju kradziažoŭ sa studenckich raździavałak

Kiraŭnictva Savieckaha RUUS Minska za sadziejničańnie orhanam unutranych spraŭ u raskryćci złačynstvaŭ vykazała ŭdziačnaść vykładčyku kafiedry fizičnaha vychavańnia BDUIR Volzie Mastoŭnikavaj.

Jak paviedamili ŭ HUUS Minharvykankama, u kancy sakavika — pačatku krasavika ŭ Savieckaje RUUS pastupiła niekalki zajaŭ ab kradziažach asabistych rečaŭ studentaŭ sa spartyŭnych raździavałak VNU. U vyniku vyšukovych mierapryjemstvaŭ u rasparadžeńnie supracoŭnikaŭ adździeła kryminalnaha vyšuku pradastaŭlena fatahrafija mahčymaha złodzieja. Fota zrabiła Volha Mastoŭnikava.

«Ja viedaju ŭ tvar amal usich našych studentaŭ, — skazała jana. — A hety małady čałaviek byŭ mnie nieznajomy, da taho ž jon pavodziŭ siabie davoli dziŭna: biessensoŭna zachodziŭ z raździavałki ŭ raździavałku, a kali ź im sprabavali zahavaryć, demanstracyjna advaročvaŭsia, robiačy vyhlad, što razmaŭlaje pa telefonie. Tady ja dastała mabilny telefon i sfatahrafvała hetaha chłopca».

Potym fota było raźmieščana na roznych internet-resursach i ŭ ŚMI. Vynik nie prymusiŭ siabie čakać. Chutka ŭ dziažurnuju čaść Savieckaha RUUS pastupiŭ telefonny zvanok. Toj, chto zvaniŭ, paviedamiŭ, što viedaje adšukvajemaha maładoha čałavieka.

Supracoŭniki adździeła kryminalnaha vyšuku pravieryli hetu infarmacyju, paśla čaho zatrymali 23-hadovaha padazronaha. Jon praktyčna adrazu pryznaŭsia ŭ tym, što zrabiŭ, a taksama skazaŭ, što vykradzienyja hrašovyja srodki traciŭ na staŭki ŭ bukmiekierskaj kantory. Ustanoŭlena, što złamyśnik maje niepasrednyja adnosiny da čatyroch kradziažoŭ.

Vykładčyku ŭručany padziačny list i hrašovaja premija.

0

0

0

0

0

0

Viačasłaŭ Budkievič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH