Biełaruś sioleta adkryje pasolstva ŭ Efiopii. Adpaviednaja pastanova Savieta ministraŭ Biełarusi ad 22 maja № 403 apublikavana na Nacyjanalnym pravavym partale.
Ministerstvu finansaŭ daručana ažyćciaŭlać finansavańnie raschodaŭ na adkryćcio i ŭtrymańnie pasolstva ŭ Efiopii ŭ miežach srodkaŭ, praduhledžanych Ministerstvu zamiežnych spraŭ u respublikanskim biudžecie na adkryćcio i ŭtrymańnie dyppradstaŭnictvaŭ i konsulskich ustanoŭ za miažoj.
28 maja Alaksandr Łukašenka pavinšavaŭ prezidenta Fiederatyŭnaj Demakratyčnaj Respubliki Efiopija Hyrmu Volde-Hiorhisa i narod hetaj krainy z nacyjanalnym śviatam — Dniom ustanaŭleńnia miru i demakratyi.
Kiraŭnik biełaruskaj dziaržavy paćvierdziŭ imknieńnie Biełarusi da dalejšaha raźvićcia ŭsiebakovaha supracoŭnictva z Efiopijaj.
