Biełaruski internet chutka čakajuć ciažkija časy, bo ruki dziaržaŭnaj mašyny daciahnulisia i da hetaha apošniaha astraŭka voli ŭ Biełarusi. «Anarchiju ŭ internecie treba spyniać», — zajaviŭ biełaruski dyktatar sustrakajučysia z svaimi «ručnymi» žurnalistami ŭ redakcyi «Savieckaj Biełarusi». Jon pryznaŭ, što: «… biełaruskaja dziaržava ŭ internecie prysutničaje małavažna. Siarod dziaržaŭnych sajtaŭ niama ni adnaho z aŭdytoryjaj bolš 5 tys. karystačoŭ». I panarakaŭ, što: «Kali pačytać, što tam publikujuć, to my majem masavy rupar — navat nie apazicyi, a rupar varožych nam hałasoŭ i dziaržaŭ. Toje, što naša apazicyja stała ich ruparam — heta fakt». BT padchapiła estafetu, pakazvajučy sumnieŭnyja repartažy pra internet «Sietkavyja vojny», sud sudzić sajt adnoj z partyjaŭ za raspaŭsiudžvańnie ŭvohule praŭdzivych źviestak pra syna Kozika, psieŭda‑parłamient hatovy pryniać represiŭnaje zakanadaŭstva ŭžo hetaj uvosieńniu…
Jak vy ŭsio viedajecie, kankuravać biełaruskaja dyktatura nie žadaje i nie moža, joj bližej takija paniaćci jak zabaranić, likvidavać, abmiežavać abo represavać. Heta čakaje i ŭvieś niełajalny ŭładam hramadska‑palityčny Bajnet, kali jon svoječasova nie kansalidujecca i nie daść adpor čarhovaj samaŭpraŭnaści ŭład.
Biełaruski moładzievy ruch Amieryki (www.belmov.org), Internet‑supolnaść Treci Šlach (www.3dway.org), i našy partniory pa Manifieście «Razam da Pieramohi!» (www.peremen.info) prapanoŭvajuć usim žadajučym dałučycca da kampanii «Suprać kantrolu i cenzury ŭ Bajnecie». Heta całkam niefarmalizavanaja inicyjatyva, jakaja praduhledžvaje praviadzieńnie sieryi masavych akcyj u Bajnecie ŭ płyni vosieni 2007 hoda, kali ŭ psieŭda‑parłamiencie Biełarusi budzie razhledžany patencyjna represiŭny dla Bajnetu zakon ab ŚMI. Pieršuju akcyju my prapanoŭvajem pravieści ŭ dzień naradžeńnia dyktatara, 30 žniŭnia z metaj prademanstravać našu salidarnaść i absurdnaść idei kantrolu nad internetam. My pavinny vyklikać rezanans u presie i hramadskaj dumcy Biełarusi i krain susiedziaŭ, kab być pačutymi.
My prapanoŭvajem kožnamu žadajučamu sajtu dałučycca, ustalavaŭšy na adzin dzień 30 žniŭnia ŭ siabie na sajcie admysłovuju ŭbudovu, jaki adčyniaje pry zahruzcy jaho pieršaj staronki na karotki čas baner ź infarmacyjaj ab prablemie i našym salidarnym dačynieńni da jaje. Baner i miechanizm pryviazki da sajta praktyčna hatovy.
Tyja, chto zacikaŭleny, źviažyciesia z nami pa pošcie [email protected] abo skajpu: zmicer_traecki dla atrymańnia dadatkovaj infarmacyi, instrukcyj i ŭbudovy. Prośba da ŭsich maksimalna šyroka raspaŭsiudzić hetaje paviedamleńnie siarod znajomych i siabroŭ.
Inicyjatyŭnaja hrupa kampanii suprać cenzury i kantrolu ŭ Bajnecie
Prahrama padtrymki biełaruskaha hramadska‑palityčnaha internetu.
U śviatle žadańnia ŭład kantralavać Bajnet i abmiežavać svabodu słova ŭ im, u šerahu hramadska‑palityčnych resursaŭ u Biełarusi mohuć paŭstać prablemy. Biełaruski moładzievy ruch Amieryki (www.belmov.org), Internet‑supolnaść Treci Šlach (www.3dway.org) abjadnali našy vysiłki ŭ ramkach Manifiesta «Razam da Pieramohi!» (www.peremen.info) i budziem akazvać kompleksnuju padtrymku prajektam hramadskich inicyjatyŭ i arhanizacyj Biełarusi.
My hatovyja prapanavać:
‑ prafiesijny chostynh z bekapam infarmacyi (belmov.org — dla biełaruskamoŭnych prajektaŭ, 3dway.org Treci Šlach dla ruskamoŭnych),
‑ rehistracyju damienaŭ u zonach org, net
‑ kansultacyi ŭ vobłaści internet‑biaśpieki, kamunikacyj i raspracoŭki sajtaŭ dla hramadskich prajektaŭ
‑ raspracoŭku sajtaŭ na płatformach Joomla i Drupal (z vosieni 2007)
‑ techničnuju padtrymku biełaruskich hramadskich internet‑prajektaŭ
Tyja, chto zacikaŭleny, źviažyciesia z nami:
‑ pa pošcie [email protected] abo skajpu: zmicer_traecki(Biełaruski moładzievy ruch Amieryki) ci praz formu http://belmov.org/host.html
