Park minskaj Dziaržaŭtainśpiekcyi papoŭniŭsia novymi Skoda Octavia — samymi mahutnymi ŭ liniejcy. Aŭtamabili razhaniajucca da 100 km/hadz za 8 siekund. Ab hetym nabyćci paviedamlajecca na sajcie ŭpraŭleńnia DAI HUUS Minharvykankama.
Heta samaja bujnaja zakupka dla staličnaj Dziaržaŭtainśpiekcyi za apošnija hady, adznačajecca ŭ paviedamleńni. Adnak u jaho viersii pa stanie na druhuju pałovu dnia 6 červienia kolkaść nabytych mašyn nie ŭkazvajecca. U ranišniaj viersii jana była — 67 adzinak.
Nabytyja aŭtamabili buduć vykarystoŭvacca ŭsimi terytaryjalnymi padraździaleńniami DAI horada. Pierad tym jak supracoŭniki pačnuć patrulavańnie na novych Skoda Octavia, jany projduć dadatkovuju 8-hadzinnuju stažyroŭku. Heta dastatkovy čas dla adaptacyi da kiravańnia novym aŭtamabilem, havorać u Dziaržaŭtainśpiekcyi.
Va UDAI HUUS taksama paviedamili, što supracoŭniki staličnaj DAI projduć kursy vyvučeńnia zamiežnych moŭ da čempijanatu śvietu pa chakiei 2014 hoda. Užo stvorany vučebnyja hrupy. Miarkujecca, što da momantu pačatku spabornictvaŭ supracoŭniki DAI zmohuć jak minimum na bazavym uzroŭni vałodać nieabchodnymi viedami. Akramia taho, kožnamu inśpiektaru ŭ dapamohu budzie dadzieny razmoŭnik.
