Druhasny rynak nieruchomaści Minska zachoŭvaje vysokuju aktyŭnaść

U mai kolkaść zarehistravanych Nacyjanalnym kadastravym ahienctvam ździełak na druhasnym rynku nieruchomaści skaraciłasia. Pra heta ŭ intervju BiełaPAN paviedamili načalnik adździeła kansałtynhu i analityki hrupy kampanij «Tvaja stalica» Andrej Astrejka.

Pavodle jaho słoŭ, u adnosinach da pakazčykaŭ sakavika-krasavika kolkaść ździełak źmienšyłasia amal na 13% i skłała krychu bolš za 1.000. Heta tym nie mienš źjaŭlajecca pakazčykam zachoŭvajemaj vysokaj aktyŭnaści rynku», — prakamientavaŭ śpiecyjalist.

Košt kvadratnaha mietra na druhasnym rynku kvater u Minsku ŭ mai 2013 hoda skłaŭ 1.493 dołary. Adnosna ździełak, zaklučanych u studzieni hetaha hoda, rost skłaŭ 16,2%. Rost cen u mai adnosna krasavika skłaŭ: dla 1-pakajovaj kvatery — 7,4% da 1.574 dołara za kv. m, 2-pakajovaj — 8,7% da 1.472, 3-pakajovaj — taksama na 8,7% da 1.348.

Što da kamiercyjnaj nieruchomaści, to «rynak ofisnaj nieruchomaści, naadvarot, zachoŭvaje spakoj». Rost koštu dolevaha budaŭncitva z pačatku hoda skłaŭ 5–6% i ŭstanaviŭsia ŭ mai ŭ biźnies-centrach kłasa V na ŭzroŭni 2.067 dołaraŭ za kv.m, kłasa S — 1.760 dołaraŭ za kv.m. z ulikam PDK.

Jak zaznačyŭ Astrejka, «krychu bolšyja tempy rostu naziralisia na rynku arendy ofisnych płoščaŭ». Rost arendnych stavak u biźnies-centrach kłasa V i S adnosna studzienia skłaŭ prykładna 9% i ŭstanaviŭsia ŭ mai na ŭzroŭni 20 i 17 jeŭra z PDK za kv. m adpaviedna. Arenda ŭ biźnies-centrach kłasa, A abychodziłasia arandataram u siarednim pa 38–40 jeŭra z ulikam PDK.

0

0

0

0

0

0

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH