11 červienia Biełaruś uviała časovyja abmiežavańni na ŭvoz miasa i žyvioły z Rasii i Kitaja
Minsk, 11 červienia. Departamient vieterynarnaha i charčovaha nahladu Ministerstva sielskaj haspadarki i charčavańnia Biełarusi 11 červienia ŭvioŭ časovyja abmiežavańni na ŭvoz na terytoryju krainy žyvioł, miasa i miasapraduktaŭ z kitajskaj pravincyi Juńnań i Karačajeva-Čerkieskaj Respubliki RF. Adpaviednaje ŭkazańnie za podpisam namieśnika hałoŭnaha dziaržaŭnaha vieterynarnaha inśpiektara Biełarusi Alaksandra Kucko raźmieščana na sajcie viedamstva.
Hetyja miery źviazany z rehistracyjaj na terytoryi pavieta Šanhry-ła pravincyi Juńnań KNR, a taksama na terytoryi Urupskaha rajona Karačajeva-Čerkieskaj Respubliki RF vypadkaŭ zachvorvańnia ŭsprymalnych vidaŭ žyvioł na jaščur. Infarmacyja pra ich była padadziena Mižnarodnym epizaatyčnym biuro (MEB) 10 červienia.
Časovaja zabarona taksama raspaŭsiudžvajecca na abstalavańnie dla ŭtrymańnia, zaboju i razroblivańnia žyvioły.
Adnačasova admianiajucca ŭsie raniej vydadzienyja dazvoły na ŭvoz zhadanaj pradukcyi.
Abjomy pastavak miasa i žyvioły z nazvanych rehijonaŭ Rasii i KNR u Minsielhascharčy nie nazyvajuć, adnak, pavodle źviestak BiełaPAN, jany nievialikija.
