Supracoŭnik vilenskaj akruhovaj prakuratury Rołandas Imbrasas paviedamiŭ partału balsas.lt, što ŭ vyniku ekśpiertyzy pareštak Ramana Vajnickaha vyjaŭlena, što jon pamior ad udaru elektryčnym tokam.
«Ciapier razhladajucca roznyja viersii adnosna taho, ci jaho źviazali, ci jon sam siabie źviazaŭ, bo nohi R. Vajnickaha byli źviazanyja viaroŭkaj, a rot zaklejeny skotčam. Ja bačyŭ roznyja vuzły, ale chto i jak źviazaŭ, adkažuć ekśpierty», — zajaviŭ prakuror. Pavodle Imbrasasa, miarkujecca, što Vajnicki źviazaŭ siabie sam i, ŭziaŭšy aholenyja elektryčnyja draty, pamior ad udaru toku. Tamu na ciele byli znojdzienyja drapiny.
«Pakul što heta tolki viersija. Mahčyma, što R. Vajnickamu niechta dapamoh zabić siabie. Heta ciapier i rasśledujecca. Nijakich padazravanych u nas pakul što niama» — zapeŭniŭ jon.
Cieła Vajnickaha u dzień jaho źniknieńnia na pačatku sakavika znajšła žonka.Spuściŭšysia ŭ padvał, jana ŭbačyła źviazanaha muža. Paźniej śledstva vyśvietliła, što Vajnicki zapłaciŭ za kvateru amal za hod napierad i napisaŭ zaviaščańnie.
Miarkujecca, što biełaruski hramadski dziejač, kiraŭnik kłuba «Siabryna», takim čynam chacieŭ dapamahčy siamji, viedajučy, što jaho padazrajuć u finansavych machinacyjach.
Pakul što pravaachoŭnyja orhany vyśviatlajuć, jakuju finansavuju dapamohu ź ES moh atrymlivać Vajnicki, jaki pracavaŭ u škole i kiravaŭ kłubam.
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary