Mirski zamak na try dni viarnuŭsia ŭ Siaredniaviečča — fotarepartaž 6

Arhanizatary ŭznavili tradycyi rycarskaha turniru, taksama padrabiazna pradstaŭlena materyjalnaja kultura Zachodniaj Jeŭropy i VKŁ 14–15 stst.

Udzielniki fiestyvalu — pradstaŭniki kłubaŭ histaryčnaj rekanstrukcyi Biełarusi, Rasii, Ukrainy i Zachodniaj Jeŭropy, muzykanty, jakija vykonvajuć siaredniaviečnuju i fołk-muzyku, tancavalnyja kalektyvy, majstry siaredniaviečnych ramiostvaŭ i majstry ahniavoha šou.

Hałoŭnaja admietnaść festu ŭ tym, što jaho ŭdzielniki jak maha bolš dakładna ŭznaŭlajuć kulturu i pobyt Jeŭropy 14 st. Jak paviedamiła pres-sakratar MHA «Žyvaja Historyja» Hanna Kidron, fiestyval sumiaščaje rekanstrukcyju materyjalnaj kultury rycarskich turniraŭ i poŭnakantaktny bai, pa praviłach, jakija isnavali ŭ 14–15 stst. U adroźnieńnie ad pastanovačnych, takija pajadynki adroźnivajucca dynamizmam, i zachoplivajuć hledačoŭ svaim azartam i niepradkazalnaściu.

Sioleta fiestyval pachodzić užo ŭ treci raz, pieršy dzień sabraŭ kala 600 udzielnikaŭ nie tolki ź Biełarusi, ale i z Polščy, Rasii, Aŭstryi, Ukrainy dy inš.

29 červienia ŭ Mirskim zamku praciahnuć pracavać animacyjnyja placoŭki, tematyčnaja tavierna, jarmarka i cir. Na rystališčy hledačy zmohuć nazirać za piešym turniram, masavymi i konnymi bajami, vierčaram vystupić hurt «Stary Olsa». Prahrama zavieršycca ŭ 23:00 vohniennym šou i salutam.

0

0

0

0

0

0

Nastaśsia Chrałovič, foty aŭtara

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH