Biełaruskaja čyhunka pryznačyła dadatkovyja ciahniki dla dastaŭki pałomnikaŭ u Budsłaŭ (Miadzielski rajon Minskaj vobłaści) na śviatkavańnie 400-hodździa znachodžańnia tut Budsłaŭskaj ikony Maci Božaj. Pra heta BiełaPAN paviedamili ŭ pres-słužbie BČ.
Na 5 lipienia pryznačany dadatkovy ciahnik № 6672 Maładziečna — Krulaŭščyzna, jaki adpravicca z Maładziečna ŭ 16.50 i prybudzie ŭ Budsłaŭ u 18.16. U zvarotnym napramku pasažyraŭ budzie pieravozić dadatkovy ciahnik № 6671 Parafjanava — Maładziečna, jaki adpravicca z Budsłava 6 lipienia ŭ 14.49 i prybudzie ŭ Maładziečna ŭ 16.17.
BČ taksama pryznačyła dadatkovyja ciahniki dla dastaŭki ŭ Aleksandryju (Škłoŭski rajon Mahiloŭskaj vobłaści) hledačoŭ na śviata "Kupalle" 6 i 7 lipienia. Dadatkovyja ciahniki buduć kursiravać pa maršrucie Mahiloŭ — Kopyś — Mahiloŭ. Na 6 lipienia pryznačany ciahnik № 6670/6671, jaki adpravicca z Mahilova ŭ 15.58 i prybudzie na stancyju Kopyś u 16.50. Taksama budzie kursiravać dadatkovy ciahnik № 6672, jaki adpravicca z Mahilova 6 lipienia ŭ 21.55 i prybudzie ŭ Kopyś u 22.47.
Na 7 lipienia pryznačany dadatkovyja ciahniki rehijanalnaj linii ekanamkłasa № 6686 Kopyś — Mahiloŭ (čas adpraŭleńnia z Kopysi — 04.52, prybyćcia ŭ Mahiloŭ — 05.50), № 6673 (čas adpraŭleńnia z Kopysi — 00.14, prybyćcia ŭ Mahiloŭ — 01.12).
Pasažyry taksama mohuć dajechać na śviata ŭ Aleksandryju hrafikavymi ciahnikami rehijanalny linij ekanamkłasa.
