Adkryta transpartnaja raźviazka Cimirazieva/Arłoŭskaja 1

Poŭnaściu adkryty ruch na transpartnaj raźviazcy na pierasiačeńni vulic Cimirazieva i Arłoŭskaj u Minsku, paviedamlaje staličnaja Dziaržaŭtainśpiekcyja.

Pa hetym transpartnym vuźle ŭžo ruchajecca hramadski transpart. Pierad źjezdam z vulic Cimirazieva i Arłoŭskaj praduhledžany pierachodna-chutkasnyja pałosy, što dazvalaje vyklučyć kanflikty pamiž transpartam, jaki ruchajecca ŭ pramym napramku, i transpartam, jaki źjazdžaje na inšuju vulicu. Uładkavanyja padziemnyja piešachodnyja pierachody. Pierasiačeńnie ŭ roznych uzroŭniach vykanana z poŭnaj raźviazkaj ruchu, što dazvalaje transpartu raźjazdžacca va ŭsich napramkach.

Vulica Arłoŭskaja — častka druhoha haradskoha transpartnaha kalca Minska. Vulica Cimirazieva — adna z «vyletnych» mahistralaŭ horada.

Adkryćcio transpartnaj raźviazki na pierasiačeńni hetych vulic dazvoliła źnizić transpartnuju nahruzku na praśpiekcie Pieramožcaŭ i vulicy Prytyckaha, a taksama źmienšyć tranzitny ruch cieraz centr horada.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH