Spravazdača ab situacyi ŭ Biełarusi, jakuju dakładčyk Jeŭraparłamienta Justas Paleckis padrychtavaŭ dla Jeŭrakamisii, Rady ES i Słužby źniešnich dziejańniaŭ Jeŭrakamisii, budzie paŭtorna abmierkavana siońnia na pasiadžeńni kamiteta pa zamiežnych spravach JEP u Bruseli.
Spravazdača padrychtavana pavodle vynikaŭ vizitu Paleckisa ŭ Minsk 18—21 sakavika. 30 maja kamitet pa zamiežnych spravach razhledzieŭ jaje ŭ pieršym čytańni. Pavodle acenki samoha dakładčyka, dyskusija była "haračaj i emacyjanalnaj".
Dakumient vyklikaŭ nieadnaznačnuju reakcyju ŭ Biełarusi. Pradstaŭniki apazicyi i pravaabaroncy aburylisia tym, što ŭ dakładzie skazana pra palapšeńnie situacyi z pravami čałavieka ŭ krainie ŭ 2012 hodzie. Paleckis u svaju čarhu śćviardžaŭ, što takuju vysnovu jon zrabiŭ na padstavie infarmacyi biełaruskich pravaabaroncaŭ. Razam z tym dakładčyk pryznaŭ: farmuloŭka ab "palapšeńni situacyi z pravami čałavieka" ŭ spravazdačy niaŭdałaja i budzie źmieniena.
Da 12 červienia byŭ abvieščany pryjom dapaŭnieńniaŭ i źmianieńniaŭ u dakład. Paśla zaviaršeńnia hetaha terminu Paleckis paviedamiŭ, što pastupiła bolš jak 300 dapaŭnieńniaŭ i prapanoŭ. Rychtujučysia da abmierkavańnia dakłada ŭ druhim čytańni, jaho aŭtar pravioŭ šerah kansultacyj z deputatami ad roznych frakcyj Jeŭraparłamienta, a taksama pradstaŭnikami biełaruskaj apazicyi i hramadzianskaj supolnaści.
Paśla siońniašniaha razhladu na pasiadžeńni kamiteta pa zamiežnych spravach dakład pavinien być vyniesieny na abmierkavańnie ŭdzielnikaŭ plenarnaj siesii Jeŭraparłamienta.
Ciapier čytajuć
«Ludzi iduć u miačeci, a nie lečać psichičnyja chvaroby». Biełaruski psichijatr raskazaŭ ab pracy va Uźbiekistanie i ŭ Polščy4
Kamientary