Zabastoŭka litoŭskich pamiežnikaŭ: prapusknaja zdolnaść Katłoŭki źniziłasia ŭ 10 razoŭ 3

Čarha hruzavikoŭ na biełaruska-litoŭskim pamiežžy, archiŭnaje fota radyjo «Svaboda».

Pavodle apošnich źviestak Dziaržaŭnaha pahraničnaha kamiteta Biełarusi, u čarzie ŭ punkcie propusku «Katłoŭka» na biełaruska-litoŭskaj miažy na vyjezd ź biełaruskaj terytoryi znachodzicca 70 hruzavych i 120 lehkavych aŭtamabilaŭ, u punkcie «Kamienny Łoh» — 80 i 60 adpaviedna, u «Bieniakoniach» — 170 hruzavych, u «Pryvałcy» — 40 hruzavych. Čerhaŭ na ŭjezd u Biełaruś z boku Litvy nie nazirajecca.

Jak paviedamili BiełaPAN u biełaruskim pahranviedamstvie, z-za «italjanskaj zabastoŭki» litoŭskich pamiežnikaŭ prapusknaja zdolnaść u «Katłoŭcy» źniziłasia bolš jak u 10 raz. Kali ŭ zvyčajnym režymie cieraz hety punkt propusku prachodziła za hadzinu da 70 lehkavych aŭtamabilaŭ, to ciapier — piać-siem, kali 15–20 hruzavych, to hetym časam — try-čatyry.

U takoj situacyi ekśpierty źviartajuć uvahu na toje, što čerhaŭ na litoŭskaj terytoryi niama. Tamu jany zadajuć pytańnie, čyju ŭvahu pryciahvajuć svajoj zabastoŭkaj litoŭskija pahraničniki, patrabujučy vyrašeńni svaich prablem: biełaruskaha ci ŭsio ž litoŭskaha?

Nahadajem, zabastoŭka pačałasia ranicaj 9 lipienia. Litoŭskija pahraničniki patrabujuć, u pryvatnaści, pavialičyć zarpłatu nie mienš jak na 10% i ŭ 2014 hodzie adnavić jaje da ŭzroŭniu 2008 hoda. Akramia taho, prafsajuz patrabuje vyrašeńnia pytańniaŭ sacyjalnych harantyj supracoŭnikam pahransłužby, uklučajučy kamandzirovačnyja raschody, pavieličeńnie hrašovaj kampiensacyi za žyllo, vypłatu častki niavypłačanaj zarabotnaj płaty, uviadzieńnia 40-hadzinnaha pracoŭnaha tydnia i vydzialeńnia dadatkovych srodkaŭ.

0

0

0

0

0

0

Viačasłaŭ Budkievič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH