NieFiestyval haradskich inicyjatyŭ "Must Act" projdzie ŭ Minsku 25-30 lipienia. U ramkach niefarmalnaj maładziožnaj kanfierencyi buduć pradstaŭleny biełaruskija i zamiežnyja hramadzianskija praktyki, skiravanyja na stvareńnie pryjaznaha i ludskaha haradskoha asiarodździa.
Meta prajekta -- natchnić ludziej na palapšeńnie svajho horada, prapanavać kankretnyja instrumienty i naładzić uzajemadziejańnie pamiž zacikaŭlenymi hrupami.
Takoje mierapryjemstva projdzie ŭ Biełarusi ŭpieršyniu i budzie ŭklučać u siabie lekcyi vuličnych mastakoŭ, konkurs mini-prajektaŭ, kruhłyja stały z udziełam ekśpiertaŭ, kinapakazy, majstar-kłasy ad haradskich aktyvistaŭ. Placoŭki NieFiestyvala: Muziej sučasnaha vyjaŭlenčaha mastactva i kreatyŭny kłastar MIE100.
Prajekt byŭ inicyjavany stryt-art prajektam SIGNAL i płatformaj Talaka.by. Na siońniašni dzień ab svajoj zacikaŭlenaści i ŭdziele taksama zajavili: časopis ArtAktivist.org, kreatyŭny kłastar ME100 (Minsk), Muziej sučasnaha vyjaŭlenčaha mastactva (Minsk), prajekt Partizaning.org (Maskva), Ustanova "Centr prasoŭvańnia inicyjatyŭ" (Minsk).
Siarod udzielnikaŭ kanfierencyi:
- Fłaryjan Ryŭjer, francuzski haradski chakier, jaki pieratvaraje haradskuju prastoru ŭ pole dla roznaj aktyŭnaści i adpačynku.
- Džejsan Epink (Ńju-Jork), aŭtar prajektaŭ pa "adamašvańni" haradoŭ i niesankcyjanavanym ramoncie.
- Anton Polski (mejk) (Maskva), suzasnavalnik ruchu "haradskich partyzanaŭ" (Partizaning.org)
- Saša Kurmaz (Homer) (Kijeŭ), kanceptualny vuličny mastak i aktyvist.
- Jurha Stunžynajcie (Vilnia), kuratar niezaležnaha kulturna sacyjalnaha centra BEEPART (beepart.lt)
- Śviatasłaŭ Murunoŭ (Pienza), kiraŭnik rabočaj hrupy pa raspracoŭcy brendu Pienzy. Urbanist.
- Uła Tornau (Vilnia), śpiecyjalistka ŭ halinie urbanistyki i sučasnaha mastactva.
- Orangotango (Hiermanija), prajekt krytyčnaj kalektyŭnaj kartahrafii.
- I niekatoryja inšyja cikavyja ludzi
My spadziajemsia, što hetaja padzieja stanie krokam da naładžvańnia ŭzajemadziejańnia pamiž niezaležnymi aktyvistami z roznych rehijonaŭ i pradstaŭnikami haradskoj administracyi.
Zaprašajem da ŭdziełu zacikaŭlenych aktyvistaŭ i arhanizacyi. Ab svaim namiery vystupić z prezientacyjaj svajoj inicyjatyvy pišycie na kantaktny e-mail.
Sačyć za navinami prajekta možna ŭ supołcy Ukantakcie abo na staroncy Facebook.
Kantakty: [email protected], T,: (29) 394-89-27.