Tolki ŭ čaćvier rehulatar pradastaviŭ bankam 3 trłn rubloŭ pad 40%. Dziakujučy hetamu ŭ piatnicu Nacbank źbiŭ staŭki pa adnadzionnych mižbankaŭskich rublovych kredytach z 62 da 46%. Usio adno heta vielmi vysoki pracent, i źviazana heta z tym, što, pa stanie na ranicu 26 lipieni, deficyt likvidnaści ŭ bankaŭskaj sistemie ŭsio jašče składaŭ kala 2,7 trłn, paviedamlaje Ahienctva finansavych navin (AFN).
U čaćvier ździełki pa adnadzionnych mižbankaŭskich kredytach zaklučalisia ŭ miežach 58–68%. Heta kryzisny pracent. Jon źviazany z tym, što ŭ lipieni ludzi masava pieravodzili aščadžeńni z rubloŭ u valutu z bojazi devalvacyi. Na heta nakłałasia patreba pavieličeńnia reziervavaha kapitału bankaŭ zhodna z novymi narmatyvami.
Pavodle infarmacyi AFN, adnosnaja stabilizacyja stavak na rublovym mižbanku dałasia Nacbanku niaprosta. Da vyrašeńnia pryjšłosia padklučyć «Bank Rumasa» (Bank raźvićcia) ź jaho nieabmiežavanymi rublovymi resursami. Nacbank spadziajecca, što rost pracentaŭ pa rublovych depazitach spynić pieravod biełaruskich hrošaj u valutu.
Na pačatku lipienia staŭka pa adnadzionnych rulovych mižbankaŭskich kredytach składała kala 22%.
Apošnija devalvacyi rubla adbylisia 2 i 4 hady nazad — u 2009 i 2011 hadach.
