Jak paviedamiła pradstaŭnica Śledčaha kamiteta pa Mahiloŭskaj vobłaści Aksana Salaniuk, incydent zdaryŭsia ŭviečary 30 lipienia. Try supracoŭniki milicejskaha śpiecnazu ŭ cyvilnym išli pa horadzie, kali ŭ ich pačałasia svarka ź inšymi mahiloŭcami — «mižaasabovy kanflikt». U vyniku śpiecnazaŭcaŭ niekalki razoŭ pyrnuli nažom: adnaho ŭ pachvinu, druhoha ŭ šyju, treciaha ŭ žyvot. Pa słovach Salaniuk, fihuruje tolki adzin nož.
Śpiecnazaŭcy byli nie pry vykanańni abaviazkaŭ. Dvoje ź ich znachodziacca ŭ balnicy, treciaha, pieraviazaŭšy adpuścili damoŭ. Troje padazravanych mahiloŭcaŭ taksama adpuščanyja, pakolki kryminalnaja sprava jašče nie zaviedzienaja. Ź ich uziali pakazańni.
Idzie pravierka. Pryznačanyja ekśpiertyzy.
0
0
0
0
0
0
