Śpiecyjalisty Dziaržaŭnaha sanitarnaha nahladu ŭ ramkach praviadzieńnia pravierak abjektaŭ handlu voźmuć proby kandytarskaj pradukcyi, vyrablenaj na fabrykach ukrainskaj karparacyi Roshen, dla praviadzieńnia łabaratornych daśledavańniaŭ na adpaviednaść patrabavańniam zakanadaŭstva Mytnaha sajuza, paviedamlaje Ministerstva achovy zdaroŭja Biełarusi.
U vypadku vyjaŭleńnia faktaŭ nieadpaviednaści buduć pryniatyja zachady zhodna ź dziejučym zakanadaŭstvam RB i Mytnaha sajuza, zajaŭlajuć u viedamstvie.
U suviazi z zabaronaj uvozu na terytoryju Rasijskaj Fiederacyi kandytarskich vyrabaŭ karparacyi Roshen Ministerstva achovy zdaroŭja taksama zajaŭlaje, što Biełaruś nie dapuścić reekspartu Roshen u Rasiju praz svaju miažu.
U kancy lipienia Rasspažyŭnahlad zabaraniŭ uvoz u RF kandytarskich vyrabaŭ kampanii Roshen, paśla taho jak adabraŭ u handlovych sietkach Maskvy pradukcyju čatyroch fabryk kampanii i vyjaviŭ parušeńni pa jakaści i biaśpiecy.
Jaktłumačyli ŭ viedamstvie, pradukcyja nie adpaviadała narmatyvam pa źmieścivie tłuščaŭ i arhanaleptycy, mieła adchileńni pa pakazčykach jakaści. Akramia taho, u małočnym šakaładzie Roshen znojdzieny bienzapiren (rečyva pieršaha kłasa niebiaśpieki).
Ciapier čytajuć
Dźmitryja Łukašenki nie było z baćkam i bratami na adznačeńni 3 Lipienia5
Kamientary