U bližejšyja troje sutak ŭmovy nadvorja na terytoryi Biełarusi budzie farmavać vobłaść pavyšanaha atmaśfiernaha cisku i vielmi ciopłyja pavietranyja masy, jakija pastupajuć z Bałkanskaha paŭvostrava.Na bolšaj častcy našaj krainy čakajecca haračaje nadvorje.
U sieradu, 7 žniŭnia, pry nievialikaj vobłačnaści budzie biez apadkaŭ. Nočču i ranicaj miescami słaby tuman. Viecier niaŭstojlivy słaby. Tempieratura pavietra: minimalnaja nočču +11 .. +17°S, pa paŭdniovym zachadzie - da +19°S; maksimalnaja dniom - ad +26°S pa paŭnočnym uschodzie da +33°S pa paŭdniovym zachadzie.
U čaćvier, 8 žniŭnia, pa-raniejšamu sucha. Viecier paŭdniova-ŭschodni, paŭdniovy ŭmierany. Tempieratura pavietra: minimalnaja nočču +13 .. +18°S, pa paŭdniovym zachadzie +19 .. +21°S, maksimalnaja dniom +28 .. +35°S.
U piatnicu, 9 žniŭnia, u poli pavyšanaha atmaśfiernaha cisku, istotnych apadkaŭ nie čakajecca, tolki ŭ dzionnyja hadziny pad upłyvam frantalnaha padziełu pa zachadzie Biełarusi projduć karotkačasovyja daždžy, prahrymiać navalnicy. Viecier paŭdniovy ŭmierany, pry navalnicach paryvisty. Tempieratura pavietra: minimalnaja nočču +16 .. +21°S, maksimalnaja dniom +29 .. +35°S, pa zachadzie +26 .. +28°S.
