Z-za pjanoha debašyra samalot «Biełavii» viarnuŭsia ŭ Maskvu 11

Samalot avijakampanii «Biełavija», jaki vykonvaŭ rejs B2-984 z Maskvy ŭ Minsk, viarnuŭsia ŭ Damadziedava.

Rejs vylecieŭ z Damadziedava ŭ 10 hadzin 18 chvilin pa maskoŭskim časie i viarnuŭsia nazad u 10 hadzin 45 chvilin.

Rejs V2-984 paśla vyletu ŭ Minsk vymušany byŭ viarnucca ŭ aeraport «Damadziedava» z-za supraćpraŭnych dziejańniaŭ adnaho z pasažyraŭ. «Pasažyr znachodziŭsia ŭ stanie ałkaholnaha apjanieńnia i ŭčyniŭ deboš na borcie paśla ŭźlotu pavietranaha sudna. Kamandzir ekipažu pavietranaha sudna ŭ metach biaśpieki pryniaŭ rašeńnie viarnucca ŭ aeraport vyletu, pry hetym apaviaściŭšy naziemnyja słužby aeraporta Damadziedava ab niestandartnaj situacyi na borcie», — rastłumačyli ŭ kampanii.

U «Biełavija» dadali, što da momantu pasadki samalota siłami kabiny ekipaža i pasažyraŭ chulihanskija dziejańni byli spynieny. Pasažyra pasadzili ŭ kresła i źviazali.

Paśla pasadki pavietranaha sudna na bort prybyli supracoŭniki palicyi, jakija zatrymali debašyra.

«Na dadzieny momant samalot hatovy da vyletu ŭ Minsk.

Nacyjanalnaja avijakampanija «Biełavija» harantuje tranzitnym pasažyram, jakija jeduć praź Minsk, stykoŭku sa svaimi rejsami. Vybačajemsia za niazručnaści i dziakujem pasažyram za akazanuju dapamohu», — dadali ŭ avijakampanii.