12 žniŭniaeks-kandydatu ŭ prezidenty na vybarach na 2010 h., asudžanamu na 6 hadoŭ źniavoleńnia, Mikałaju Statkieviču spaŭniajecca 57 hadoŭ.
«Padtrymać palitviaźnia, dasłaŭšy vinšavalnuju telehramu možna nie vychodziačy z chaty», — havoryć jaho žonka Maryna Adamovič. Sp. Adamovič budzie ŭdziačna za lubyja słovy padtrymki:
«Možna pasłać list, možna pasłać paštoŭku, a možna pasłać telehramu ŭ tym liku i z chatniaha telefona.U Minsku pa telefonie 166 možna prosta padyktavać tyja słovy, jakija Vy b chacieli skazać u hety dzień Mikołu. Ja ŭdziačnaja za lubuju padtrymku. Ja dumaju i ŭpeŭniena, što Mikoła budzie vielmi rady atrymać słovy padtrymki ŭ dzień svajho naradžeńnia»
Napisać palitviaźniu možna na adras: 212011, h. Mahiloŭ, vuł. Krupskaj, 99a, turma № 4, abo zatelefanavaŭny na numar 166.
Heta ŭžo treci dzień naradžeńnia, jaki apazicyjny palityk adznačaje za kratami.Mikałaj Statkievič — adziny kandydat u prezidenty na vybarach 2010 hoda, da hetaha času znachodzicca ŭ źniavoleńni. Jak i inšyja apazicyjnyja kandydaty ŭ prezidenty, jon byŭ aryštavany viečaram 19 śniežnia 2010 h.
U mai 2011 hoda sud Leninskaha rajona Minska prysudziŭ Stakieviča da šaści hadoŭ pazbaŭleńnia voli pa abvinavačvańni ŭ arhanizacyi masavych biesparadkaŭ 19 śniežnia. Palityk adbyvaŭ pakarańnie ŭ škłoŭskaj kałonii №17, adnak u studzieni 2012 hoda jamu zrabili bolš žorstkim ŭmovy adbyćcia pakarańnia, pieravioŭšyŭ mahiloŭskuju turmu №4.
Alaksandr Łukašenka nieadnarazova zajaŭlaŭ, što jaho palityčnyja apanienty, jakija znachodziacca ŭ źniavoleńni, mohuć być vyzvalenyja pry ŭmovie, kali napišuć prašeńnie ab pamiłavańni. Pavodle infarmacyi Maryny Adamovič, jaje mužu nieadnarazova prapanoŭvali napisać prašeńnie. Paśla admovaŭ heta zrabić cisk na Statkieviča ŭzmacniaŭsia.
Padčas apošniaha spatkańnia z žonkaj eks-kandydat taksama prakamientavaŭ inicyjatyvu hramadskich aktyvistaŭ z Babrujska, jakija zaklikali hramadzianaŭ adpraŭlać palitviaźniam listy z prapanovaj napisać na imia Łukašenki prašeńnie ab pamiłavańni.Pa słovach Maryny Adamovič, Mikałaj Statkievič z hetaj nahody zajaviŭ: navat kali ŭsia demakratyčnaja hramadskaść paprosić jaho pra heta, jon na heta nie pojdzie.
