Premjer‑ministr Biełarusi Siarhiej Sidorski adpravicca 11 vieraśnia z rabočym vizitam u Respubliku Kazachstan. Jak paviedamili karespandentu BIEŁTA u Aparacie Saŭmina, vizit pradoŭžycca da 13 vieraśnia. U jaho prahramie pierahavory Siarhieja Sidorskaha z premjer‑ministram Kazachstana Karymam Masimavym.
U Astanie ŭ Kanhres‑chole 12 vieraśnia adbudziecca adkryćcio Nacyjanalnaj vystaŭki «BiełaruśEKSPA‑2007», u jakim prymie ŭdzieł Siarhiej Sidorski. Praduhledžvajecca jaho vystupleńnie na hetym forumie. Premjer taksama aznajomicca z vystavačnymi stendami.
U chodzie rabočaj pajezdki ŭ Kazachstan Siarhiej Sidorski płanuje taksama pabyvać u horadzie Paŭładary. Tam adbudziecca adkryćcio zboračnaj vytvorčaści TAA «Aŭtaśpiecmaš‑Paŭładar». Namiečana taksama naviedvańnie Paŭładarskaha naftachimičnaha zavoda.
Tavaraabarot pamiž Biełaruśsiu i Kazachstanam u 2006 hodzie skłaŭ $334,3 młn. i pavialičyŭsia ŭ paraŭnańni z 2005 hodam na 55,8 pracenta. Ekspart biełaruskich tavaraŭ u Kazachstan uzros na 42,3 pracenta da $261,1 młn., impart — na 135,8 pracenta da $73,3 młn. Salda skłałasia dadatnaje ŭ pamiery $187,8 młn.
Struktura ekspartu ŭ Kazachstan zastajecca niaźmiennaj užo na praciahu piaci hadoŭ. Viadučymi eksparciorami źjaŭlajucca pradpryjemstvy Ministerstva pramysłovaści. Heta abumoŭlena strukturaj ekanomiki Kazachstana, jakaja maje patrebu ŭ biełaruskich traktarach, kambajnach, hruzavych aŭtamabilach, sielskahaspadarčych mašynach i zapčastkach da ich. Za apošnija dva hady istotnaha pavieličeńnia ekspartu ŭ Kazachstan dabilisia pradpryjemstvy kancernaŭ «Biellespapierapram» i «Biełnaftachim», a taksama Ministerstva sielskaj haspadarki i charčavańnia.
U studzieni — lipieni 2007 hoda dvuchbakovy tavaraabarot dasiahnuŭ $305,1 młn., što na 71,4 pracenta bolš u paraŭnańni z anałahičnym pieryjadam 2006 hoda. Biełaruski ekspart vyras na 43,5 pracenta i skłaŭ $211,7 młn. Salda dadatnaje — $118,3 młn.
Asnovu biełaruskaha ekspartu ŭ Kazachstan składajuć hruzavyja aŭtamabili, traktary, šyny, małako i viarški zhuščanyja i suchija, mebla, darožnaja technika, mašyny i ŭstrojstvy dla padjomu, bytavaja aparatura, pryčepy i paŭpryčepy, lekavyja srodki, pradukcyja drevaapracoŭčaj pramysłovaści, chaładzilniki.
U tavarnaj struktury impartu z Kazachstana pieravažajuć pšanica, jačmień, prakat płoski z vuhlarodzistaj stali, vałakno bavaŭnianaje niečasanaje, cynk nieapracavany, akumulatary elektryčnyja, palimiery styrołu, aksidy śvincu, padšypniki
