Biełaruskamoŭnyja škoły i kłasy Minska

U baćkoŭ, dzieci jakich sioleta iduć u škołu, jašče zastajecca čas zadumacca ab vybary ŭstanovy adukacyi.

Zhodna z Kodeksam ab adukacyi, «dziaržava harantuje hramadzianam prava vybaru vychavańnia i navučańnia na adnoj ź dziaržaŭnych movaŭ Biełarusi i stvaraje ŭmovy dla realizacyi hetaha prava». Na praktycy ž padstavaj dla taho, kab stvaryć biełaruskamoŭnuju hrupu ŭ sadku ci kłas u škole, źjaŭlajecca najaŭnaść 20 adpaviednych zajavaŭ ad baćkoŭ dziaciej z adnaho mikrarajona.

U minułym navučalnym hodzie z 909 tysiač vučniaŭ škoł 150 tysiač dziaciej, ci kožny šosty, navučalisia pa-biełarusku. Absalutnaja bolšaść ź ich navučajecca ŭ maleńkich sielskich škołkach.

Zhodna ź infarmacyjaj kamiteta pa adukacyi Minharvykankama, na 2013/2014 navučalny hod zapłanavany nabor u pieršyja kłasy ź biełaruskaj movaj navučańnia ŭ nastupnych škołach i himnazijach stalicy:

Zavodski rajon:

Himnazija №14

Adras: vuł. Vaśniacova, 10. Teł.: (017) 295-21-37, 295-01-33, 295-21-37.

Sajt: gymn14.minsk.edu.by.

Anhlijskuju movu tut vyvučajuć z treciaha kłasa. U starejšych kłasach jość fizika¬matematyčny i fiłałahičny profili navučańnia.

Dziejničajuć falkłorny ansambl «Dudaryki», muziej, studyja balnych tancaŭ.

Dakumienty prymajuć u aŭtorak i čaćvier ad 15-j da 19-j, u sieradu i piatnicu — ad 10-j da 14-j.

Leninski rajon:

Himnazija № 28 (byłaja siaredniaja škoła №2)

Adras: pr. Rakasoŭskaha, 93. Teł.: (017) 248-32-02, 248-12-64.

Sajt: gymn28.minsk.edu.by.

Himnazija śpiecyjalizujecca na pahłyblenym vyvučeńni francuzskaj movy. Pa­francuzsku vykładajucca krainaznaŭstva i litaratura Francyi. Z 12 hadoŭ dzieci jeździać za miažu pa mižnarodnym abmienie. Jość dadatkovyja zaniatki pa infarmatycy, fizkultury, zamiežnaj movie.

Pryjom dakumientaŭ u paniadziełak, sieradu, piatnicu z 10-j da 14-j, u aŭtorak i čaćvier z 16-j da 20-j.

Maskoŭski rajon:

Siaredniaja škoła №60

Adras: vuł. Karła Libkniechta, 82. Teł.: (017) 208-69-74, 208-57-54, 209-94-49.

Sajt: sch60.minsk.edu.by.

Ź pieršaha kłasa ŭ škole vyvučajecca anhlijskaja mova, jość fizika-matematyčny i muzyčny ŭchiły. U škole dziejničajuć hurtki pa instrumientalnaj muzycy, śpievach, tancach, anhlijskaj movie, aerobicy, spartyŭnych adzinaborstvach, teatralnaja i mastackaja studyi, falkłorny ansambl «Viesiałuški», krajaznaŭčy muziej.

Pryjom dakumientaŭ u paniadziełak, čaćvier z 8-j da 12-j, u aŭtorak i piatnicu — z 12-j da 16-j, u sieradu — z 16-j da 20-j.

Partyzanski rajon:

Siaredniaja škoła №72

Adras: vuł. Chałmahorskaja, 59. Teł.: (017) 273-95-65, 246-48-83.

Sajt: sch72.minsk.edu.by.

Z treciaha kłasa vyvučajecca anhlijskaja mova. Tady možna zapisacca i na fakultatyŭnyja zaniatki z mastackim uchiłam.

Pieršamajski rajon:

Himnazija № 9

Adras: vuł. Siadych, 10. Teł.: (017) 283-04-21, 281-38-04.

Sajt: gymn9.minsk.edu.by.

Pahłyblenaje vyvučeńnie anh­lijskaj movy, fakultatyŭnaje — polskaj. Prapanuje vyvučeńnie pradmietaŭ muzyčnaha cykła. Pry himnazii dziejničaje muziej voinaŭ-internacyjanalistaŭ, pry im pracuje hurtok «Muziejnaja sprava».

Prymajucca dzieci z prapiskaj u Baraŭlanach.

Pryjom dakumientaŭ u paniadziełak i sieradu ad 16-j da 20-j, u aŭtorak, čaćvier, piatnicu — ad 9-j da 16-j, u subotu — ad 10-j da 16-j.

Siaredniaja škoła №190

Adras: vuł. Nikifarava, 19. Teł.: (017) 26024-90.

Sajt: sch190.minsk.edu.by.

Vyvučeńnie anhlijskaj movy z treciaha kłasa. Navučańnie ihry na muzyčnych instrumientach ź pieršaha kłasa. Jość fakultatyvy i hurtki spartyŭnaha, muzyčnaha, tvorčaha nakirunkaŭ.

Pryjom dakumientaŭ pa paniadziełkach i piatnicach ad 10-j da 14-j, pa sieradach — ad 16-j da 20-j, pa subotach — ad 10-j da 13-j.

Saviecki rajon

Himnazija №23

Adras: pr. Niezaležnaści, 45. Teł.: (017) 284-47-62, 284-87-16.

Sajt: gymn23.minsk.edu.by.

Na vysokim uzroŭni tut vykładajuć anhlijskuju, kitajskuju, polskuju movy. Dziejničaje narodnaja studyja tradycyjnaj tvorčaści «Žycień», siarod nakirunkaŭ jaho dziejnaści narodna­abradavyja śviaty, narodnyja ramiostvy, dekaratyŭna-prykładnoje mastactva. Pry himnazii stvorany muziej historyi Savieckaha rajona h.Minska.

Frunzienski rajon

Himnazija №4

Adras: vuł. Kuncaŭščyna, 18. Teł.: (017) 258-49-71, 258-49-74.

Sajt: gymn4.minsk.edu.by.

U himnazii ź pieršaha kłasa vyvučajecca anhlijskaja mova. Na fakultatyŭnych zaniatkach vučniam prapanujecca vyvučeńnie polskaj, niamieckaj, francuzskaj movaŭ jak druhoj zamiežnaj.

U 10—11 kłasach ažyćciaŭlajecca dyfierencyjacyja pa nastupnych nakirunkach: fizika-matematyčny, chimika-bijałahičny, fiłałahičny. Pracujuć charavy kalektyŭ «Siabryna», centr biełaruskaj nacyjanalnaj kultury «Sialanskaja chatka», a taksama muziei etnahrafii Biełarusi i historyi himnazii №4 «Moj rodny kut».

Pryjom dakumientaŭ pa paniadziełkach, sieradach i piatnicach ad 10-j da 14-j, pa aŭtorkach i čaćviarhach — ad 16-j da 20-j.

Dakumienty, nieabchodnyja dla pryjomu ŭ pieršy kłas:

1. Zajava baćkoŭ abo zakonnych pradstaŭnikoŭ dziciaci z ukazańniem movy navučańnia.

2. Miedycynskaja daviedka.

3. Aryhinał i kopija paśviedčańnia ab naradžeńni dziciaci.

4. Pašpart baćkoŭ abo zakonnych pradstaŭnikoŭ dziciaci i pašpart dziciaci (pry jaho najaŭnaści).

Kali rehistracyi ŭ Minsku niama, pryjom dziciaci treba ŭzhadniać z upraŭleńniem adukacyi rajonnaj administracyi.

Usie paznačanyja navučalnyja ŭstanovy ŭ pieršuju čarhu nabirajuć dziaciej sa svajho mikrarajona i pry najaŭnaści volnych miescaŭ — ź inšych.

Ź inšych haradoŭ Biełarusi paćvierdžanaja infarmacyja ab nabory ŭ 1—4 biełaruskamoŭnyja kłasy ŭ siaredniaj škole №32 u Hrodnie. Jana znachodzicca na vulicy Limoža, 11 (sajt: http://sch32.grodno.unibel.by). Teł.:

(8 0152) 48-50-48, 43-64-03

Pry škole dziejničaje muziej VAV.

• 0
• 0
• 0
• 0
• 0
• 0
• 0
• 0