Benita Ferrero-Waldner |
Eŭrakamisar Benita‑Ferera Valdner (Benita Ferrero-Waldner) spadziajecca, što Biełaruś zrobić svoj «stratehičny vybar na karyść Eŭropy». Heta sprava Biełarusi — samastojna zaniacca svaimi prablemami j damahčysia prahresu», — zajaviła eŭrakamisar Eŭraźviazu pa źniešnich suviaziach i palitycy dobrasusiedztva ŭ časie vystupu 11 vieraśnia pierad kamitetam Eŭraparlamentu pa źniešnich suviaziach.
Jana adciemiła, što Biełaruś zastajecca krainaj, jakoj EZ nadaje asablivuju ŭvahu». Benita‑Ferera Valdner adznačyła, što jejnyja pradstaŭniki 3 vieraśnia ŭ Bruseli padčas mižnarodnaj kanferencyi sustrelisia ź biełaruskaj aficyjnaj delehacyjaj.
«Sustreča prajšła ščyra j kanstruktyŭna. My dasłali vyrazny syhnał, što my chočam bačyć stanoŭčyja źmieny ŭ našych stasunkach i ruch da paŭnavartasnaha partnerstva ŭ miežach Eŭrapiejskaj palityki dobrasusiedztva», — skazała eŭrakamisar.
Pry hetym, padkreśliła jana, palapšeńnie stasunkaŭ mahčymaje tolki ŭ vypadku «pierakanaŭčych krokaŭ z boku Biełarusi na šlachu da demakratyi j datrymańnia pravoŭ čałavieka». «My musim praciahvać damahacca datrymańnia hetych padstavovych kaštoŭnaściaŭ», — zajaviła Benita‑Ferera Valdner.
Pavodle jejnych słoŭ, sioleta viasnoj u Biełarusi naziralisia «niekatoryja pazytyŭnyja źmieny», adnak niadaŭnija aryšty hramadzkich aktyvistaŭ i kanfiskacyja brašur «Što Eŭrapiejski Źviaz moža dać narodu Biełarusi» «nie dadajuć nadziei».
Benita‑Ferera Valdner taksama asabliva adciemiła, što Eŭrakamisija pa‑raniejšamu ličyć nieabchodnym adčynić svajo pradstaŭnictva ŭ Miensku. Pavodle jejnych słoŭ, usie źviazanyja z hetym pracedury «zamarudžvajucca» biełaruskim bokam.