«Mis talent» konkursu Miss Supranational — 2013 stała Nensi Markus z Małajzii

29 žniŭnia ŭ adnym ź minskich kafe adbyŭsia konkurs «Mis talent» mižnarodnaha konkursu pryhažości Miss Supranational — 2013.

Jak paviedamiła žurnalistam pierad pačatkam konkursu dyrektar dyrekcyi śpiecprajektaŭ telekanała ANT Anžalina Mikulskaja, naminacyja «Mis talent» nie źjaŭlajecca abaviazkovaj, i ŭ konkursie zhadzilisia ŭdzielničać tolki pałova z 80 kankursantak Miss Supranational. «Mnohija vielmi adkazna padyšli da konkursu, heta bačna pa ich kaściumach i numarach. Niekatoryja vyrašyli, što ŭ ich niama talentaŭ, tamu nie ŭdzielničajuć», — adznačyła pradstaŭnik telekanała.

Tytuł «Mis talent» na konkursie Miss Supranational — 2013 atrymała ŭdzielnica z Małajzii Nensi Markus (fota 4). Tytuł pieršaj vice-mis dastaŭsia žycharcy Kamieruna Džaanie Miedya, druhoj vice-mis — pradstaŭnicy Virhinskich astravoŭ Esonikie Viejry.

Siarod padrychtavanych kankursantkami numaroŭ pieravažajuć tancavalna-vakalnyja, adnak niekatoryja ŭdzielnicy padrychtavali teatralnyja, cyrkavyja, akrabatyčnyja i paradyjnyja. Pradstaŭnica Biełarusi Vieranika Čačyna prademanstravała členam žury talent rysavalščycy, pakazaŭšy im svaje karciny (fota 7).

Usiaho na konkursie buduć vyznačany pieramožnicy ŭ 17 naminacyjach, imiony šaściarych ź ich stanuć viadomyja jašče da finału, skazała Mikulskaja. Pavodle jaje słoŭ, na samim konkursie buduć nazvanyja imiony «Mis internet», «Mis nacyjanalny kaścium», rehijanalnyja pieramožnicy (pa kantynientach), try vice-mis i hałoŭnaja pieramožnica, jakaja atrymaje ŭ padarunak pierachodnuju karonu, 25 tysiač jeŭra, a taksama kaštoŭny piarścionak z emblemaj konkursu.

Finał konkursu adbudziecca 6 vieraśnia ŭ Pałacy sportu i budzie tranśliravacca bolš čym u 100 krainach.

0

0

0

0

0

0

Videa Andreja Korsaka, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH