Pracoŭnaja piensija pa ŭzroście, za vysłuhu hadoŭ z 1 studzienia 2014 h. budzie davacca pry vypłacie abaviazkovych strachavych uznosaŭ u FSAN nie mienš za 10 hadoŭ.
Takoje rašeńnie źmiaščajecca va Ukazie A.Łukašenki ad 3 vieraśnia 2013 h. № 389 «Ab niekatorych pytańniach piensijnaha zabieśpiačeńnia i sacyjalnaha strachavańnia», jaki aficyjna apublikavany siońnia na Nacyjanalnym pravavym partale.
Zhodna z ukazam, z 1 studzienia 2014 h. prava na pracoŭnuju piensiju pa ŭzroście, za vysłuhu hadoŭ pradastaŭlajecca pry ŭmovie vypłaty abaviazkovych strachavych uznosaŭ u Fond sacyjalnaj abarony nasielnictva Ministerstva pracy i sacyjalnaj abarony ŭ adpaviednaści z zakanadaŭstvam ab dziaržaŭnym sacyjalnym strachavańni nie mienš za 10 hadoŭ.
Dadzienaja miera prymajecca ŭ metach racyjanalizacyi vydatkaŭ srodkaŭ dziaržaŭnaha sacyjalnaha strachavańnia. Dakumient ustupaje ŭ siłu paśla jaho aficyjnaha apublikavańnia.
