Sud nad mastakom adbyŭsia 4 vieraśnia.
«Taja ž sudździa ŭ Krupskim rajonie, jakaja zvyčajna sudzić mianie, asudziła mianie pa artykule 12.27 KaAP, — raskazaŭ karespandentu «NN» mastak. — U vyniku, ja vypłaču vialiki štraf za samahonavareńnie.
Paciarpiełyja admovilisia ad pretenzij da Alesia Puškina, tamu kryminalnuju spravu na jaho nie zavodzili. Ciapier jon zmoh zabrać kanfiskavanyja ŭ jaho rečy — ułasna sam krupnik, baki i inšaje.
Pa słovach Puškina, jon «lohka adździełaŭsia» — pa kryminalnym artykule, jon moh by atrymać hod aryštu, albo dva hady «chimii».
«Dziaŭčynka Hanna, jakaja najbolš paciarpieła, užo pajšła ŭ škołu, — kaža mastak. — Jaje maci vychodzić na pracu, druhaja dziaŭčyna ŭžo vyjšła na pracu. Hanna prajšła reabilitacyju ŭ Aksakaŭščynie.
Sprava zavieršanaja, ciapier ja budu asensoŭvać toj urok, jaki atrymaŭ ad žyćcia. Ja pastaviŭsia da pryhatavańnia krupnika chałatna, zabyŭ, što śpirt — jak bienzin».
Nahadajem, što 6 lipienia padčas śviatkavańnia Kupalla ŭ siadzibie mastaka Alesia Puškina, try čałavieki atrymali apioki, kali haspadar hatavaŭ tradycyjny krupnik. Jon zaliŭ śpirt u butlu, što znachodziłasia na vohniščy.
Paciarpiełyja atrymali apioki 1–3 stupieni.
