U vyniku pažaru na atamnaj padvodnaj łodcy «Tomsk» u Prymorskim krai, jaki zdaryŭsia ŭ paniadziełak, paciarpieli 15 vajskoŭcaŭ, paviedamiŭ Śledčy kamitet Rasii. Usie maraki paciarpieli pry tušeńni ahniu, paviedamlaje Bi-Bi-Si.
Raniej Minabarony RF paviedamlała, što ekipaž byŭ evakuiravany z padvodnaj łodki i nichto nie paciarpieŭ. U aŭtorak pa fakcie pažaru raspačali kryminalnuju spravu.
Pažar na padłodcy «Tomsk», jakaja z 2010 staić na ramoncie na zavodzie «Źviezda» Prymorskim krai, uspychnuŭ u paniadziełak u 11.30 pa miascovym časie.
Baraćba z ahniom praciahvałasia bolš za piać z pałovaj hadzin. U tušeńni padłodki ŭdzielničali bolš za dziesiatak pažarnych raźlikaŭ.
«Pryčynienaškodazdaroŭju 15 vajskoŭcam, jakija ŭ ciapierašni čas znachodziacca na stacyjanarnym lačeńni ŭ vajenna-marskim kliničnym špitali», — havorycca ŭ paviedamleńni SKR.
Viedamstva taksama paviedamiła, što z-za pažaru padłodka «častkova straciła funkcyjanalnyja charaktarystyki». Raniej, u paniadziełak, ministr abarony Rasii Siarhiej Šajhu zajaviŭ, što ŭzharańnie istotna nie paŭpłyvała na abstalavańnie łodki.
Jak paviedamiŭ rasiejskim ŚMI pradstaŭnik štaba Cichaakijanskaha fłotu, atamny reaktar na padvodnaj łodcy byŭ zahłušany, uvieś bajavy zapas razhružany.
APŁ «Tomsk» — rasijski atamny padvodny rakietanosny krejsier prajekta «Antej», pryznačany dla baraćby sa złučeńniami avijanoscaŭ.
Submaryna adnosicca da toj ža sieryi, što i padvodnaja łodka «Kursk», jakaja ŭ žniŭni 2000 zahinuła ŭ Barancavym mory z usim ekipažam.
