 Źmicier Žaleźničenka |
Homielskaha aktyvista Źmitra Žaleźničenku pakarali štrafam u pamiery 20 bazavych vieličyniaŭ i 8 sutkami aryštu. Taki žorstki prysud vyniesła sudździa Centralnaha rajonnaha sudu Homiela Maryna Damnienka nibyta za niepadparadkavańnie chłopca supracoŭnikam milicyi i brydkasłoŭje ŭ hramadzkim miescy.
Padčas pasiadžeńnia byli vysłuchanyja pakazańni śviedkaŭ — milicyjanta Faih Aha‑Ali Ahły Askierava i aktyvista BRSM z HDU imia Francyska Skaryny Andreja Sudakova. Supracoŭnik pravaachoŭnych orhanaŭ paviedamiŭ, što zatrymaŭ Žaleźničenku z‑za padazronaha vyhladu ŭ padziemnym pierachodzie kala ŭnivermahu. Pavodle słovaŭ Sudakova, jaki nibyta prysutničaŭ u toj momant pry zatrymańni, Źmicier niecenzurna łajaŭsia pa‑biełarusku i akazvaŭ supraciŭ milicyjantam.
