Videa bojki (aściarožna, mat!).
Padčas futbolnaha matču na stadyjonie «Kamsamolec» u Navahrudku (Hrodzienskaja vobłaść) 28 vieraśnia adbyłasia masavaja bojka.
U chodzie 22-ha tura čempijanatu Hrodzienskaj vobłaści pa futbole krasnasielski «Cemientnik» hulaŭ matč u haściach z FK «Navahrudak». Jak paviedamlaje volkovysk.by, na 20-j chvilinie matču, kali futbalist «Cemientnika» Jaŭhien Vasileŭski zabiŭ hoł u varoty sapiernika, na pole stadyjona vybiehli prykładna dvaccać čałaviek u maskach i pačali bojku z zaŭziatarami z Navahrudka.
Bojka ciahnułasia kala paŭhadziny, arbitr matču vymušany byŭ zakončyć matč i zaličyŭ FK «Navahrudak» techničnaje paražeńnie ź likam 0:3.
Na pole prybyli narady milicyi, a taksama chutkaj miedycynskaj dapamohi, bo paciarpiełym spatrebiłasia dapamoha.
Pavodle niepaćvierdžanaj pakul infarmacyi, bojku spravakavali futbolnyja fanaty ź Minska.
U RUUS Navahrudka i miascovym upraŭleńni Śledčaha kamiteta infarmacyju nie kamientujuć.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)