Žurnalistka, redaktarka i televiadučaja Ryta Milucie (Rita Miliute) zojmie pasadu kiraŭnika eMediaHub – sučasnaha miedyjacentra Jeŭrapiejskaha humanitarnaha ŭniviersiteta (EHU). Ryta Milucie pryjšła pracavać u EHU ź Litoŭskaj nacyjanalnaj teleradyjokampanii, dzie była viadučaj štotydniovaj prahramy «Teise zinoti (Prava viedać)».
Na pasadzie kiraŭnika eMediaHub EHU Milucie budzie zajmacca kiravańniem, pašyreńniem absiahu prapanavanych adukacyjnych prahram i vychadam na bolš šyrokuju aŭdytoryju. Miedyjałabaratoryja, zasnavanaja ŭ 2010 hodzie pry padtrymcy «BBC World Trust», Jeŭrakamisii i «IREX Europe», składajecca z abstalavanych pa apošnim słovie techniki tele- i radyjostudyj. Łabaratoryja prapanuje studentam unikalnuju prastoru dla zasvajeńnia pieradavych miedyjatechnałohij praz praktyčna aryjentavanyja adukacyjnyja prahramy.
«Ciaham majoj karjery mnie paščaściła pracavać z prafiesijanałami i lidarami ŭ halinie miedyjaŭ. Ja vielmi čakaju mahčymaści padzialicca hetym kaštoŭnym dośviedam sa studentami EHU», – skazała Milucie.
Ryta Milucie – daśviedčanaja žurnalistka i miedyjamieniedžar. Pracavała namieśnicaj hienieralnaha dyrektara i kiraŭnicaj adździeła telebačańnia Litoŭskaj nacyjanalnaj teleradyjokampanii (LRT). Uznačalvała słužby navinaŭ radyjostancyi M-1 i kanała LNK TV — druhoj pa značnaści telekampanii Litvy. Skončyła fakultet kamunikacyi Vilenskaha ŭniviersiteta.
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała8
Kamientary