Na hetym tydni pačniecca padklučeńnie aciapleńnia ŭ žyłym fondzie Minska.
Jak paviedamili ŭ pres-słužbie Minharvykankama, ab hetym zajaviŭ 30 vieraśnia na apieratyŭnaj naradzie ŭ Minharvykankamie načalnik upraŭleńnia haradskoj haspadarki i enierhietyki Minharvykankama Dźmitryj Jančyk.
Pavodle jaho słoŭ, žyły fond buduć padklučać paetapna — na praciahu piaci dzion (pa 20% štodzionna). Zatym nastanie čarha treciaj hrupy spažyŭcoŭ ciapła — heta administracyjnyja i pramysłovyja budynki.
«U chodzie padklučeńnia spažyŭcoŭ da ciapła mahčymaje ŭtvareńnie pavietranych probak u sistemie aciapleńnia, tamu stvorany śpiecyjalnyja bryhady, jakija prakantralujuć padaču ciapła i ŭstaraniać niepaładki, — prainfarmavaŭ Jančyk.
— U pieršyja 10 dzion aciaplalnaja sistema budzie pracavać pry maksimalnym tempieraturnym režymie. Mahčyma, dzieści batarei buduć zanadta haračymi. Heta nie pieratopy, a technałahičnaja nieabchodnaść, źviazanaja z naładkaj sistemy».
«Kali ž siaredniasutačnaja tempieratura na praciahu piaci dzion budzie pieravyšać plus 10 hradusaŭ, to kacielnyja piarojduć na režym prapalvańnia», — skazaŭ śpiecyjalist.
Zhodna z prahnozami sinoptykaŭ, chałodnaje nadvorje zachavajecca ŭ stalicy na praciahu ŭsiaho hetaha tydnia. Siońnia pajšli ŭžo šostyja sutki, kali siaredniasutačnaja tempieratura pavietra nižej plus 8 hradusaŭ.
Letaś aciapleńnie ŭ žyłych damach Minska pačali ŭklučać 13 kastryčnika.
Z 30 vieraśnia hetaha hoda pačałosia padklučeńnie aciapleńnia ŭ dziciačych daškolnych ustanovach, školnych, lačebna-prafiłaktyčnych, miedycynskich ustanovach, ustanovach sacyjalnaha zabieśpiačeńnia, muziejach, dziaržaŭnych archivach i biblijatekach.
