Supracoŭniki kryminalnaha vyšuku MUS i HUUS Minharvykankama sumiesna z kalehami sa Śledčaha kamiteta i Dziaržaŭnaha kamiteta sudovych ekśpiertyz raskryli zabojstva 43-hadovaj minčanki, paviedamlaje BiełaPAN.
Pra heta paviedamiła ŭpraŭleńnie infarmacyi i hramadskich suviaziaŭ Ministerstva ŭnutranych spraŭ Biełarusi.
Ranicaj 9 vieraśnia elektramiechaniki čyhunačnaj stancyi Minsk-Paŭnočny padčas płanavaha abchodu niepadalok ad 2-ha zavułka Rozy Luksiemburh znajšli trup žančyny ź cialesnymi paškodžańniami tvaru i šyi.
Padčas praviadzieńnia apieratyŭna-vyšukovych mierapryjemstvaŭ pravaachoŭniki vyśvietlili, što da zabojstva maje dačynieńnie raniej nieadnarazova sudzimy 51-hadovy mužčyna biez peŭnaha miesca žycharstva.
Było ŭstanoŭlena, što padazrony i zahinułaja paznajomilisia ŭ dzień učynieńnia złačynstva. Paśla sumiesnaha raśpivańnia śpirtnoha ŭ ich uźnik kanflikt, padčas jakoha mužčyna zadušyŭ svaju achviaru.
Padazrony zatrymany, u dačynieńni da jaho raspačata sprava na padstavie č. 1 art. 139 KK, jakaja praduhledžvaje da 15 hadoŭ pazbaŭleńnia voli. Pravaachoŭnymi orhanami pravodzicca kompleks śledčych dziejańniaŭ i apieratyŭna-vyšukovych mierapryjemstvaŭ, nakiravanych na zbor dokazaŭ.
