Alaksandr Łukašenka ad imia biełaruskaha naroda i siabie asabista pavinšavaŭ staršyniu Kitajskaj Narodnaj Respubliki Si Czińpina z nacyjanalnym śviatam — Dniom abviaščeńnia KNR, paviedamlaje pres-słužba prezidenta.
«Dla Biełarusi Kitaj zaŭsiody byŭ i zastajecca nadziejnym partnioram, a ŭsiebakovaje raźvićcio adnosin z Vašaj krainaj — stratehičnym pryjarytetam źniešniaj palityki biełaruskaj dziaržavy na doŭhaterminovuju pierśpiektyvu», — havorycca ŭ vinšavańni.
Alaksandr Łukašenka vykazaŭ pierakanańnie, što KNR praciahnie naroščvać svoj aŭtarytet i ŭpłyŭ na mižnarodnaj arenie, što budzie spryjać umacavańniu biaśpieki i stabilnaści ŭ rehijonie i śviecie ŭ cełym.
Taksama biełaruski kiraŭnik pavinšavaŭ z Dniom Niezaležnaści Prezidenta Respubliki Kipr Nikasa Anastasijadysa.
«Upeŭnieny, što dalejšaje raźvićcio biełaruska-kiprskich miždziaržaŭnych adnosin i dvuchbakovaha supracoŭnictva ŭ roznych śfierach poŭnaściu adkazvaje našym uzajemnym intaresam i budzie spryjać umacavańniu družalubnych suviaziaŭ pamiž Biełaruśsiu i Kipram», — cytuje vinšavańnie pres-słužba kiraŭnika dziaržavy.
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ5
Kamientary