Z 1 kastryčnika ŭ Biełarusi pavyšany ŭklučany ŭ skład kamunalnych pasłuh taryf na ciepłavuju enierhiju dla patreb aciapleńnia i haračaha vodazabieśpiačeńnia, a taksama taryf na pryrodny haz, što realizujecca nasielnictvu.
Heta praduhledžana pastanovaj Savieta ministraŭ № 849 ad 27 vieraśnia 2013 hoda, apublikavanaj na Nacyjanalnym pravavym internet-partale 2 kastryčnika.
Zhodna z dakumientam taryf na ciepłavuju enierhiju dla patreb aciapleńnia i haračaha vodazabieśpiačeńnia pavialičany z 68.833,5 rubla da 70.898,5 rubla za 1 Hkał (na 3%).
Košt adnaho kubamietra hazu, što vykarystoŭvajecca ŭ žyłych damach i kvaterach z ustanoŭlenymi pryborami indyvidualnaha ŭliku raschodu, pry najaŭnaści indyvidualnych hazavych aciaplalnych pryboraŭ i (ci) hazavych vodanahravalnikaŭ u aciaplalny pieryjad vyras z 358,8 da 404,3 rubla (na 12,7%), u letni pieryjad — z 933,6 da 1.232,4 rubla (na 32,2%). Pry adsutnaści indyvidualnych hazavych aciaplalnych pryboraŭ — z 933,6 da 1.232,4 rubla (taksama na 32,2%) niezaležna ad siezona.
Apłata za haz, što vykarystoŭvajecca ŭ žyłych damach i kvaterach biez pryboraŭ indyvidualnaha ŭliku raschodu, pry najaŭnaści hazavaj plity i centralizavanaha haračaha vodazabieśpiačeńnia z adnaho žychara ŭ miesiac vyrasła z 7.468,8 da 9.850 rubloŭ za kubamietr (na 31,9%), pry najaŭnaści hazavaj plity i hazavaha vodanahravalnika (pry adsutnaści centralizavanaha haračaha vodazabieśpiačeńnia) — z 21.472,8 da 28.350 rubla (na 32%), pry najaŭnaści hazavaj plity i adsutnaści centralizavanaha haračaha vodazabieśpiačeńnia i hazavaha vodanahravalnika — z 12.136,8 da 16.000 rubloŭ (na 31,8%).
Pastanovaj taksama pavyšany ceny na pryrodny haz, što vykarystoŭvajecca dla aciapleńnia niežyłych pamiaškańniaŭ, a taksama na zvadkavany haz, što vykarystoŭvajecca ŭ žyłych damach i kvaterach.
