Namieśnik ministra ekanomiki namiakaje na pierahlad pahadnieńnia pra «Biełtranshaz».
Namieśnik ministra ekanomiki Biełarusi Andrej Tur miarkuje, što z prodažam «Hazpromu» 50-pracentavaha pakietu akcyjaŭ «Biełtranshazu» mohuć uźniknuć pytańni. Pra heta jon zajaviŭ u interviju «Moskovskim novostiam».
«Padzialić akcyi «Biełtranshazu» 50 na 50 naŭrad ci udasca, bo jašče jość nievialikaja častka indyvidualnych ułaśnikaŭ, a jany źnikli, ich niama», — paviedamiŭ namieśnik ministra ekanomiki.
«Tamu moža ŭźniknuć sytuacyja, pry jakoj niechta kaniečnie budzie vałodać na adnu sotuju abo tysiačnuju bolš, a heta ŭžo nie parytet», — miarkuje namieśnik ministra.
Nahadajem, što damova ab prodažy «Hazpromu» 50 % akcyj «Biełtranshazu» za 2,5 młrd dalaraŭ praduhledžvaje, što ciaham čatyroch hadoŭ «Hazprom» budzie nabyvać pa 12,5 % akcyj «Biełtranshazu».
