Paŭnavartasnaje seksualnaje žyćcio maje mnostva pieravah dla zdaroŭja čałavieka. Seks umacoŭvaje serca, źnižaje ryzyku dyjabietu, palapšaje praces krovazabieśpiačeńnia. Adnak, byvajuć situacyi, kali admova ad seksu važniej dla samaadčuvańnia, seksołahi skłali ich śpis.
Naprykład, jak ličać ekśpierty z Centra seksualnaha zdaroŭja ŭ Vialikabrytanii, ad kantaktu lepš ustrymacca, kali chto-niebudź z partnioraŭ pakutuje ad infiekcyi močapravodnych šlachoŭ. Toj, chto pakutavaŭ hetym zachvorvańniem, viedaje: padčas pałavoha aktu moža ŭźnikać mocny bol.
Pryčyna hetaha — zapalenčy praces, vyklikany mikraarhanizmami, jakija kancentrujucca na ślizistaj abałoncy moča pravodnaha traktu.
Inšaja pryčyna, pa jakoj varta admovicca na čas ad seksu — niadaŭna pieražyty žančynaj abort. Paśla pracedury štučnaha pierapynieńnia ciažarnaści pavinna prajści jak minimum 45 dzion pierš, čym adbudziecca blizkaść.
Taksama ekśpierty nie rajać žančynam śpiašacca z seksam adrazu ž paśla rodaŭ abo vykidyšu.
Vahinalnaja infiekcyja, ad jakoj pakutuje partniorka, — taksama važkaja pryčyna dla admovy ad seksu na karyść zdaroŭja. Vahinalnyja infiekcyi vyklikajuć razdražnieńnie i zapalenčy praces. Kali ž žadańnie raptam apynieca macniej miedyčnych rekamiendacyj, nieabchodna abaviazkova vykarystoŭvać preziervatyŭ padčas pałavoha aktu.
Seks pad zabaronaj i pry ŭmovie, kali adzin z partnioraŭ pakutuje ad hiepatytu V. Nie zabyvajcie: heta zachvorvańnie pieradajecca pałavym šlacham.
