Ab hetym kiraŭnik dziaržavy zajaviŭ siońnia, vystupajučy na kalokviumie sa studentami Mahiloŭskaha dziaržaŭnaha ŭniviersiteta imia A.A.Kulašova, pieradaje BIEŁTA.
«Siońnia časta krytykujuć za Pałac Niezaležnaści. Ale pahladzicie na hety centr — Płošča ściaha, adnoŭleny «Biełekspa», dzie my vystaŭlajem vyšejšyja dasiahnieńni našaha naroda, i Pałac Niezaležnaści. — skazaŭ jon. — Jany navat nie viedajuć, kolki heta kaštuje, za jakija hrošy pabudavany. Tam niama nivodnaha biudžetnaha rubla. I što? Drenna, što heta pabudavana?
Heta simvał, i dla krainy, jak i dla luboha čałavieka, heta vielmi važna. Asabliva ciapier, kali my chočam prezientavać siabie». Alaksandr Łukašenka adznačyŭ, što Pałac Niezaležnaści budzie adkryty dla ludziej.
«Heta nie rezidencyja Prezidenta. Tam, praŭda, jość adzin rabočy kabiniet dla Prezidenta, bolš tam kabinietaŭ niama», — skazaŭ kiraŭnik dziaržavy.
Jon adznačyŭ, što ŭ pałacy buduć vystaŭlacca i padarunki Prezidenta, karciny, jakija Alaksandr Łukašenka pryvioz z tych krain, jakija jon naviedvaŭ.
«Ale hetym centram my padkreślili toje, što my stvaryli svaju dziaržavu», — skazaŭ Alaksandr Łukašenka. Kiraŭnik dziaržavy adznačyŭ, što chacieŭ by, kab u pałacy prachodzili važnyja i znakavyja dla krainy mierapryjemstvy, naprykład sustrečy delehacyj zamiežnych dziaržaŭ, ušanoŭvańnie šmatdzietnych baćkoŭ, pryjom u pijaniery dziaciej z usioj krainy.
Łukašenka źviarnuŭ uvahu na toje, što ŭsio ŭ Pałacy Niezaležnaści zroblena z ajčynnych materyjałaŭ i samimi biełarusami.
«Jon demanstruje, na što zdolny našy ludzi. Voś usie havorać, što mnohija vyjazdžajuć na zarabotki. Ale my ž nie zakryjem ich tut, u nas nie turma, a adkrytaja kraina. Voś tyja, jakija, tak skazać, zastalisia, stvaryli takoje charastvo. I my budziem heta pakazvać», — skazaŭ Alaksandr Łukašenka.
