U žniŭni 32-hadovy žychar Baranavičaŭ, raniej nieadnarazova sudzimy, zdaŭ na paŭhoda kvateru, jakuju za niekalki hadzin da hetaha źniaŭ na sutki za 200000 rub.
Na sudzie mužčyna rastłumačyŭ, što pajšoŭ na padman, kab zarabić hrošaj, piša Intex-press.
Arandatarku kvatery — 24- hadovuju haradžanku, mužčyna znajšoŭ pa abjavie, — paviedamiła namieśnik Baranavickaha mižrajonnaha prakurora Ina Danilčyk. — I prapanavaŭ joj kvateru na paŭhoda za $500. Apłatu mužčyna zapatrabavaŭ napierad.
Padčas śledstva i na sudzie haradžanin svaju vinu nie admaŭlaŭ. Škodu, pryčynienuju dziaŭčynie, kampiensavaŭ.
Sud Baranavickaha rajona i Baranavičaŭ pryznaŭ haradžanina vinavatym u machlarstvie i pryznačyŭ jamu pakarańnie ŭ vyhladzie dvuch hadoŭ pazbaŭleńnia voli.
Prysud u zakonnuju siłu jašče nie ŭstupiŭ.
